20ves a vis Du 2016

Gorthugher da, ha dynnargh dhe dhyllans a’n seythen ma 'An Nowodhow' war BBC Radyo Kernow.


Good evening, and welcome to this week’s edition of ‘An Nowodhow’ (‘The News’) on BBC Radio Cornwall.

Ragdres Eden re dhanvonas towlow rag ostel nowydh, eth poynt pymp milvil a beunsow y gost, dhe Gonsel Kernow.

An kynsa desin profys gans an Edenva a veu denaghys gans an Konsel awos prederow a-dro dhe vraster an drehevyans nowydh.

Rag henna, y’n towlow nowydh, lehes re beu an niver a jambours dhyworth kans ha pymthek bys dhe gans ha naw. Saw, kressya re wrug kost a dhrehevel an ostel gans moy es dew vilvil a beunsow.

Leveryas a-barth an Edenva a leveris y fia desin an ostel aswiwys dhe’n kerghynnedh hag ev a wre devnydh a nerth yn maner effeythadow ha sostenadow.

Mar pe komendys an towlow, y tallathsa ober war an ostel nowydh kyns penn dew vil ha seytek hag, yth esa govenek may fo igerys yn gwenton dew vil hag etek.


The Eden Project has sent plans for a new hotel costing £8.5 million to Cornwall Council.

The first design submitted by the Eden Project was rejected by the Council because of concerns about the size of the new building.

In light of this, in the new plans, the number of bedrooms has been reduced from 115 to 109. However, the cost of building the hotel has risen by more than two million pounds.

A spokesman for the Eden Project said that the design of the hotel had been adapted to the surroundings and that it would make use of energy in an efficient and sustainable manner.

If the plans were approved, work would begin on the new hotel before the end of 2017 and it was hoped that it would be opened in Spring 2018.


Dew jynn tokyn re beu skwardys dhyworth dor park kerri dhe Gelliwik ha tewlys y’n dowr Liner.

An kreslu a dherivas i dhe hwithra kevres a dhrogoberow a’n keth par a-dreus Kernow ha Dewnens. Yn Kernow, jynnow tokyn re beu ledrys dhyworth Bosvena, Fowydh, Lannstevan, Lyskerrys, Tewynblustri, Lannwedhenek, Penntorr ha lemmyn Kelliwik.

Yn sommen, ugens jynn tokyn re beu ledrys lemmyn. Dell hevel, treghys vons dhyworth aga sel, dhe nivel an dor, yn-dann wul devnydh a doulys nerthek.

Herwydh Konsel Kernow, kost a bub jynn yw peswar mil, pymp kans a beunsow.


Two ticket machines have been ripped out of a Callington car-park and thrown into the river Lynher.

The police reported that they were investigating a series of similar crimes across Devon and Cornwall. In Cornwall, ticket machines have been stolen from Bodmin, Fowey, Launceston, Liskeard, Newquay, Padstow, Torpoint and now Callington.

In total, twenty ticket machines have now been stolen. Apparently, they were cut from their bases at ground level using power tools.

According to Cornwall Council, each machine costs £4,500.


Bagas a dredhek resoryon dhyworth Pennsans re rannas milvil beuns yntredha wosa gwaynya an gwari dall ‘Euromillions’.

Esel an klub Mount’s Bay Harriers, Nicky Morse, a generthas y gowetha dhe brena an toknys hag i y’n ayrborth Karesk, ow kortos jynn ebron dhe Amsterdam, le may fynnens i spena an penn-seythen ow trenya warbarth.

Wostalleth, ny wrussons i krysi i dhe waynya an pewas hag onan a’n bagas a waskas an toknys yn y dorn kyns aga thewlel orth Mester Morse. Byttegyns, pan wrug Mester Morse checkya arta, ev a dhiskudhas an bagas dhe waynya milvil beuns yntredha – henn yw leverel, ogas ha seytek mil ha tri ugens a beunsow pub person.


A group of thirteen runners from Penzance have shared a million pounds between them after winning the Euromillions lottery.

Nicky Morse, a member of the Mount’s Bay Harriers club, encouraged his team-mates to buy the tickets while they were in Exeter airport, waiting for a ‘plane to Amsterdam, where they were going to spend the weekend training together.

At first, they didn’t believe that they had won the prize and one of the group crushed the tickets in his hand before throwing them at Mr Morse. However,

when Mr Morse checked again, he found that the group had won a million pounds between them – that is, nearly £77,000 each.


Nebes kansow a dus dhyworth pub parth a Vreten Veur a omguntellas dhe Borth, ogas dhe Dewynblustri, pan wrug den leel kemeres y gi karadow dhe gerdhes war an treth ena rag an diwettha prys.

Pur goth o an milgi byghan, Walnut y hanow, ha res o dh’y berghen, Mark Woods, y gemeres dhe’n milvedhek rag bos ledhys yn maner kuv.

Ytho, Mester Woods a dharlesas messach dre vedia socyal, ow ri galow dhe biw pynag a vynna, dhe omjunya gansa hag i ow kerdhes warbarth rag an diwettha prys.

Meur a garoryon keun a worthybis dhodho rag y skoodhya ha rag profia tregeredh.

An nessa dydh, Mester Woods a dhanvonas messach ow leverel Walnut dhe verwel yn kres. Ev a geworras, ‘My a vynn grassa dhe’n dus varthys a Dewynblustri rag aga skoodhyans na wrav vy y ankevi hedre ven byw’.

Pan verwis, etek bloodh o Walnut ha leveryas a-barth an Kennel Club (Klub Keunji yn Kernewek) a dherivas bos oos Walnut anusadow rag ki a’n eghen na. Herwydh usadow, ny wrons i treusvewa moy es tredhek po peswardhek bledhen.


Hundreds of people from all over Great Britain gathered at Porth, near Newquay, when a local man took his beloved dog there for a last walk on the beach.

The whippet, called Walnut, was very old and his owner, Mark Woods, had to take him to the vet to be put down.

So, Mr Woods posted a message on social media, inviting anyone who wanted, to join him while they took their last walk together.

Many dog-lovers responded with support for him and to offer their sympathy.

The next day, Mr Woods posted a message saying that Walnut had died peacefully. He added, ‘I want to thank the wonderful people of Newquay for their support which I will never forget as long as I live’.

Walnut was eighteen years old when he died and a spokesman for the Kennel Club said that Walnut’s age was unusual for that breed of dog. Usually, they do not live more than thirteen or fourteen years.


Yth esowgh hwi ow koslowes orth ‘An Nowodhow” war BBC Radyo Kernow. An dowlen an seythen ma a veu skrifys ha presentys genev vy, Steve Penhaligon. Bys dy’ Sul nessa, nos da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written and presented by me, Steve Penhaligon. Until next Sunday, good night to you all.