12ves mis Metheven 2016

Gorthugher da, ha dynnargh dhe dhyllans an seythen ma An Nowodhow war BBC Radyo Kernow.

Good evening, and welcome to this week’s edition of ‘An Nowodhow’ on BBC Radio Cornwall.

Diw edhen dreweythus dres eghen hag a veu hwythys dhe’n Ruvaneth Unys dre frosow gwynsek meur aga duryans, a allsa gortos y’n pow drefen bos trumajys fest kasadow dhedha.

Pelikan Dalmatiek hag a veu aspiys yn Kernow, ny via gwelys y’n pow ma dres kansow a vledhynnyow, ha vultur barvek re beu gwelys yn Kembra, yn Dewnans hag yn Kernow. Gwelys veu an pelikan yn kynsa yn Kernow Howlsedhes dhe’n nawves a vis Me, ha skeusennys veu an vultur ogas dhe’n nessa treusva Havren dhe’n dewdhegves a vis Me.

Milyow a wolyoryon ydhyn re vyajyas a-dhia bub rann a’n pow dh’assaya gweles an ydhyn, yw kevys dre vras a-dreus Europa soth-est, Eynda ha China.

Mester Pol Stancliffe, sodhek an Trest Predennek rag Ornithologieth, a leveris bos an dhiw edhen gwelys yn kynsa yn rannow erel a Europa, an pelikan gwelys yn Pow Pol, ha’n vultur derivys yn Pow Belj kyns i dhe dhos dhe’n Ruvaneth Unys. Mester Stancliffe a leveris na gar an dhiw edhen trumajys. Ymons i yn Kernow y’n eur ma, ytho possybyl yw i dhe wortos omma dres an termyn ragweladow a dheu.


Two extremely rare birds which were blown across to the UK by prolonged wind currents could remain in the country because their dislike of sea crossings.

A Dalmatian pelican which has been spotted in Cornwall had not been seen in the country for hundreds of years, and a bearded vulture has been seen in Wales, Devon and Cornwall. The pelican was first seen on 9 May in West Cornwall and the vulture was first photographed close to the second Severn Crossing on 12 May.

Thousands of birdwatchers have travelled from every part of the country to try to see the birds, which are more commonly found across south eastern Europe, India and China.

Paul Stancliffe, from the British Trust for Ornithology, said both birds were first seen in other parts of Europe, with the pelican seen in Poland and vulture reported in Belgium before they arrived in the UK. Mr Stancliffe said both birds, which are currently in Cornwall, "don't like sea crossings" so it they could remain in the UK for the foreseeable future.


Trigoryon a Borthia re raglevas dhe lettya an mortid y’n dre a genkidhyow yn gwerinvota rag difen aga drehevyans.

Porthia a synsis an vota wosa hwythfians a genkidhyow y’n dre hag esow a anedhow a yll tus an dre tyli aga fris.

Styr an sewyans ma yw dell hol. Ragdresow nowydh rag anedhow ny’s tevydh kummyas towlennans marnas yw gwithys an chiow oll rag trigoryon an dre a dermyn leun.

Moy es peswar ugens kansran a raglevoryon a skoodhyas an difen. Byttegyns, kowethas leel a gemeras plentyans laghel a-dro dhe’n ervirans dhe synsi an gwerinvota.

Konsel Kernow, hag a worwelas an gwerinvota a-barth Konsel Tre Porthia, a leveris y’n jeves fydhyans bos sewys an argerdh ewn.

Konsel Kernow a leveris y hwrug votya diw poynt seyth kansran ha dew ugens an etholoryon, ha teyr poynt diw gansran ha peswar ugens anedha a skoodhyas an difen.

Byttegyns, yma boghes tir gesys yn Porthia rag drehevyansow nowydh, ha nyns yw apert y’n eur ma pan effeyth a’n jevydh an sewyans ma war brisyow anedhow y’n dre.

Yn-medh Amy Milton, naw bloodh warn ugens hy oos, neb usi ow rentya chi yn Porthia: “Lemmyn possybyl yw y hallav krambla war an skeul anedhow.”


Residents of St Ives have voted to stem the tide of second homes-building in a referendum to ban their construction.

St Ives held the vote after a surge in holiday homes in the Cornish town and a shortage of affordable housing.

The result means that new housing projects will not get planning permission unless the houses are reserved for full-time residents.

More than 80% of voters backed the ban. However, a local firm has taken legal action over the decision to hold the referendum.

Cornwall Council, which oversaw the referendum for St Ives Town Council, said it was confident the correct process had been followed.

Cornwall Council said there was a 42.7% turnout, of which 83.2% voted for the ban. However, there is little land left in St. Ives for new builds, and it is not immediately obvious what effect this result will have on property prices in the town. Amy Milton, 29, who rents in St Ives, said: “Now it’s possible I will be able to get on to the property ladder."


Diskwedhyans re beu synsys a-gynsow a-dro dhe voghheans an niver studhyoryon dhe Bennskol Aberfal.

An Bagas Saw Agan Aberfal a ordenas an hwarvos avel gorthyp dhe brofyansow towlennans gans an Pennskol rag ostyans studhyoryon meur y vraster.

Protestyoryon a lever bos ughel seulabrys gorholeth anedhow, ha moghheans an niver studhyoryon a’n jevydh effeyth dregynnus war an dre.

Leveryas rag Pennskol Aberfal a leveris y fedha dew dharvos kussulyans poblek ow hwarvos y’n mis ma.


A demonstration has been held recently over the rise in the number of students at Falmouth University. The Save Our Falmouth Group organised the event in response to planning applications by the university for large scale student accommodation. Protestors say the demand on housing is already high and any more students will have a detrimental effect on the town. A Falmouth University spokesperson said there are two public consultation events taking place this month.


Yth esowgh hwi ow koslowes orth An Nowodhow war BBC Radyo Kernow. An dowlen an seythen ma a veu skrifys genev vy, John Parker. Bys dy’Sul a dheu, nos dha dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by me, John Parker. Until next Sunday, good night to you all.