7 mis Est 2016

Gorthugher da, ha dynnargh dhe dhyllans a’n seythen ma ‘An Nowodhow’ war BBC Radyo Kernow.

Good evening, and welcome to this week’s edition of ‘An Nowodhow’ (‘The News’) on BBC Radio Cornwall.

Gwreck andhiskudhys a worhel a sedhis yn terosa morek meur nans yw hanterkans bledhen, martesen re beu kevys, wosa hwithrans BBC.

Tri thevesik hag eth flogh a verwis war an Darlwyne, pan dhisapperyas yn hager-vor, mes arvor Kernow dhe unnegves warn ugens a vis Gortheren mil naw kans hwegh ha tri ugens.

Yth esa an korsyer plesour ow tehweles dhe Lannwydhek wosa viaj-dydh dhe Fowydh.

Yn despit dhe helgh ledan gans daffar Bresel Yeyn flamm nowydh, bythkweth ny veu kevys an gorhel.

Hwithrans formel a gavas re aktyas an kapten, Michael Bown yn logh, dell “nag o an Darlwyne gwiw rag mos dhe vor gans trethysi,” ha Mester Bown dhe sevel orth aswon avisyans leel dhe wortos yn porth.

Dres an nessa hanter-mis, dewdhek korf a veu neuvellys war drethow leel.

Arhwithransow-korf a gavas y feudhis an fethesigow yn dowr down.

Rag pennbloodh hanterkansves, BBC Inside Out Soth West a oberis gans para sedhi dhe dhiskudha pandr’a hwarva.

An para a grysi bos gwrys an hwithrans derowel yn tyller kamm, hag y hwrussa an kapten kemeres hyns nes dhe Benn Ardh.

Router an dowlen Jeremy Hibbard, neb a hembronkyas an hwithrans a- gynsow a leveris “Ni a eksamnyas gwelyow Darlwyne alejys oll.

Ni a viras war an gwynsow ha’n tewedh re dhothya dhe’n Soth West, ni a viras orth an frosow, hag orth an tylleryow may feu diskudhys an korfow.” Wosa hwilas an tyller nowydh, sedhor Mark Milburn a leveris: “Wosa deg mynysen warn ugens dres an sedh, distowgh y hwelis vy temigow alkan varys.

“Yth yw braster ewn rag an Darlwyne, nyns eus tra vyth kales dhe leverel dell ywa, mes yma dhodho ankor a vraster ewn, hag yth yw ow gwella dismyk vy dell yw dre lycklod an Darlwyne.

Perghen an gorhel, John Campbell Maitland Barrett a veu erghys tyli pymp kans peuns rag kost an hwithrans derowel.

Sedhor Nick Lyon a leveris: “An Darlwyne re bia ankevys awos y sedhi dhe’n jydh wosa Pow Sows a wayn Hanaf an Bys yn mil naw kans hwegh ha tri ugens.

“Hemm yw neppyth hag eus hwath a-ji dhe gov den, hag yma edhom dhe’n gerens a nebes diwedhva,” y leveris.

The undiscovered wreck of a ship which sank in a major maritime disaster 50 years ago may now have been found following a BBC investigation.

The 23 adults and eight children on the Darlwyne died when it disappeared in heavy seas off the Cornish coast on 31 July 1966.

The pleasure cruiser was returning to Mylor after a day trip to Fowey.

Despite an extensive search using state of the art cold war equipment, the ship was never found.

The formal investigation found that the skipper had acted negligently as the Darlwyne "was not fit to go to sea with passengers", and that Mr Bown had ignored local advice to stay in port. Over the next fortnight 12 bodies were washed up on local beaches.

Autopsies revealed that the victims drowned in deep water.

For the 50th anniversary, BBC Inside Out South West worked with a dive team to uncover what happened.

The team believed that the original search had been carried out in the wrong place and that due to the bad storm the skipper would have taken a route closer to Dodman Point.

Programme producer Jeremy Hibbard, who led the recent investigation, said: "We looked all the alleged sightings of the Darlwyne.

We looked at the wind and storms which had come in to the south west, we looked at the currents, we looked at where the bodies were found." After searching the new site, diver Mark Milburn said: "About 30 minutes into the dive I suddenly came across various bits of metalwork.

"It's the right size for the Darlwyne, there's nothing concrete to say it is but it's got the right size of anchor on, my best guess is it's more than likely it is the Darlwyne."

The ship's owner - John Campbell Maitland Barrett - was ordered to pay £500 towards the cost of the original investigation.

Diver Nick Lyon said: "The Darlwyne had been forgotten because it sank the day after England won the 1966 World Cup.

"This is something which is still in living memory and the relatives need some closure.” he said.

Y hyllir Cornishware, an priweyth brith blou ha gwynn a vri, bos gwrys y’n Kernow, le may tevedhis kyns y hanow, ogas ha kans bledhen wosa y omdhiskwedhes kynsa.

An towl yw rann ragdres dastineythyans liesmilvil a beunsow, ow komprehendya dasverkyans Sen Ostel avel “Trev Bri”, yn trubyt dhodho avel kres diwysyans pri gwynn a Gernow.

Y hwaytir an dre a dhothya ha bos kres rag an artys a briweyth. Keskowethyans gans Stoke-on-Trent – meur a vri rag priweyth – yw devisys ynwedh.

James Staughton, kaderyer a Dhalva Erbysiedhek Baya Sen Ostel ha pennweythresek a Vragji Sen Ostel, a leveris dell yw “chons bras” rag an dre.

Yth esa askorrys Cornishware kynsa yn Derbyshire yn mil naw kans, peswar warn ugens, hag o henwys yndella drefen an labolow blou ha gwynn dhe govhe arvethesik a ebron vlou ha mordonnow gwynn-kribys a Gernow.

“Pri gwynn yw dibarow dhyn ni hag yth yw neppyth y tylyn-ni solempnya yn tevri dhyworth an penntohow,” y leveris Mester Staughton dhe Nowodhow BBC.

“Dre geskorra towlen a hwarvosow avel destnans gonisogethel, ni a yll kennertha dell dybav tus dhe dhos omma neb a wra spena aga thermyn, ha, dell waytyav, aga arghans dendilys da.”

Byttegyns, Ally Watkins, neb yw dyghtyores spisti, a leveris hi dhe vos diskryjyk awos assays kyns hag a fyllis drefen na woslowas nagonan orth negysyow ha trigoryon.

Yn Ugensves Kansvledhen a-varr, Kernow a warthevya marghas an bys, owth askorra milvil a donnasow a bri gwynn pub bledhen – may feu esperthys pymthek ha tri ugens kansrann anodho – hag yth arvetha moy es seyth mil gweythor leel.

Aswonnys avel “owr gwynn”, pri gwynn a nerthas erbysiedh leel y’n eur na hag y hwaytir y hallsa ragdres Trev Bri gul keffrys arta.

The famous blue and white striped Cornishware pottery could be made in the county it was named after, nearly 100 years after it first appeared.

The plan is part of a multimillion-pound regeneration project including re- branding St Austell as “Clay Town” in tribute to it as the centre of Cornwall’s china clay industry.

It’s hoped the town could become a centre for the ceramic arts. A partnership with Stoke-on-Trent – famous for pottery – is also planned.

James Staughton, chairman of the St Austell Bay Economic Forum and chief executive of St Austell Brewery, said it was a “huge opportunity” for the town.

Cornishware was first produced in Derbyshire in 1924 and was so named because the blue and white stripes reminded an employee of Cornwall’s blue skies and white-crested waves.

“China clay is unique to us and it’s something we should really celebrate from the rooftops,” Mr Staughton told BBC News.

“By putting together a programme of events as a cultural destination, I think we can encourage people in, who will spend their time and hopefully their well-earned money.”

However, Ally Watkins, who runs a spice shop, said she was sceptical as previous attempts had failed because businesses and residents were not listened to.

In the early 20th Century, Cornwall dominated the world’s market, producing one million tonnes of china clay every year – 75% of which was exported – and employed more than 7000 local workers.

Known as “white gold”, china clay powered the local economy then and it is hoped the Clay Town project could do so again.

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys gans Julia Wass, ha genev vy, Duncan McIntosh. Bys dy’Sul nessa, nos da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Julia Wass and by myself, Duncan McIntosh. Until next Sunday, good night to you all.