5es a vis Ebrel 2015
Gorthugher da, ha dynnargh dhe dhyllans a’n seythen ma ‘An Nowodhow’ war BBC Radyo Kernow.
Good evening, and welcome to this week’s edition of ‘An Nowodhow’ (‘The News’) on BBC Radio Cornwall.
Routhow re dhestryppyas karyn a vorvil, neuvellys war dreth yn Kernow – ow kasa a-dhelergh unnsel askorn poos.
An morvil askell, ugens meter y hirder dell grysir, a veu neuvellys war Dreth Wanson, ogas dhe Borthbud, yn mis Genver, diw vil ha pympthek.
Perghenoges an treth a leveris dell omworrsa an werin yn “manerow hokys karyn” hag y feu hi kedhlys dell re bia gwerthys warlinen nebes rannow an morvil.
An diwettha askorn gesys a veu draylyas dhyworth an treth gans eseli Klub Rugbi Porthbud hag y fia gwithys y’n dre lemmyn.
Jane Montague, neb a berghen an treth, a leveris korf medhel an morvil dhe vos dybrys gans ydhyn ha neuvellys gans an mor dres lies mis – ow tiskudha yn fella korf eskern an enyval.
Ms Montague a leveris tus dhe wul devnydh a heskennow hackya rag didakla an morvil ha hi a veu kedhlys eskern dhe vos gwerthys warlinen war eBay.
Yma an Gresen Ertach Porthbud ow prederi displetya an diwettha askorn, a-dro dhe dhew kans kilogramm y boos dell grysir.
Crowds have stripped a whale carcass, washed up on a beach in Cornwall – leaving only one heavy bone behind.
The fin whale, thought to be 20m long, was washed up on Wanson Beach near Bude in January 2015.
The owner of the beach said that the public had engaged in “vulture culture” and was told some parts of the whale had been sold online.
The last remaining bone was dragged from the beach by members of Bude Rugby Club and may now be kept in the town.
Jane Montague, who owns the beach, said the soft tissue of the whale was eaten by birds and washed away by the sea over several months – further revealing the skeleton of the animal.
Ms Montague said people used hacksaws to dismantle the whale and she was told bones were being sold on the online trading site eBay.
The Bude Heritage Centre is considering placing the remaining bone, thought to weigh about 200kg, on display.
Unn esel a vayni lester-gwari Statys Unys, dew y dhen, re beu deskrifys avel “gordhroglam ow kwaytya hwarvos”, re gwytyas an lester anfeusik.
Bob Weise ha Steve Shapiro, unnek ha tri ugens oos a’n dhew, a veu sawyes nawweyth dres seyth mis, hag i ow kolya a Norgagh dhe Gernow. Mester Shapiro, skrifer fylm hag awtour dhyworth Californi, a leveris y kwytyas Mester Weise awos skylys personel, mes y tiberthas ev yn unn akordya.
Ev a leveris y feder ev kavos moy mayni, ha martesen prena skath brassa, rag besya an viaj a-dreus dhe Geynvor Atlantek.
An skath, henwys Nora, a dhibarthas Norgagh yn mis Gortheren, hag yma ow medra orth Maine, war arvor est Statys Unys.
Golyer eksperyansys, Sir Robin Knox-Johnston, re arvreusis an dhewdhen Amerikanek hag y’s ynnias “diberthi moryow Ruvaneth Unys”.
Y’ga droglam diwettha, res o dhedha hwilas gweres yn Heyl, pan omhwelis aga skath, hag a gawsas tan ynno.
Mester Shapiro a leveris bos kampollow Sir Robyn “ankombrus” ragdho ha rag Mester Weise.
“Heb toll na gil y hwrav revrons dh’y vri, mes yth esa ganso keffrys tus orth y weres. “Gwas hepken ov vy gans tan y’n golon rag golya”
One member of a two-man US yacht crew which has been described as a “castastrophe waiting to happen” has quit the luckless vessel.
Bob Weise and Steve Shapiro, both 71, were rescued nine times in seven months as they sailed from Norway to Cornwall. Mr Shapiro, a screenwriter and author from California, said Mr Weise had quit the two-man crew for personal reasons but had left on good terms.
He said he aims to find more crew and may buy a bigger boat in order to continue the voyage across the Atlantic.
The boat, named Nora, left Norway in July and is aiming for Maine on the east coast of the United States.
Veteran sailor Sir Robin Knox-Johnston has criticised the American pair and urged them to “leave UK waters”.
In their latest mishap they had to seek help in Hayle, when their sailing boat tipped over, which caused a fire on board.
Mr Shapiro said Sir Robin’s comments were “embarrassing” for him and Mr Weise.
“I sincerely respect his reputation but even he had people helping him. “I am just a guy with a passion for sailing.”
Den re beu cherjys rag kawsya an mernansow a dhew gerdher, dre lewyans diantel. Calvin Trevena hag Ann Varran, unnek ha dewgens oos an dhew, a veu kevys yntra Krowsfordh Chi war Donn ha Breanek dhe nessa a vis Est.
Kreslu a dhiskudhas Audi Estate S-peswar, war B-tri-dew-seyth-seyth, keffrys ha korfow an dhew gerdher yn ogas. Ryan Morrish, seyth bloodh warn ugens, dhyworth Resrudh, re beu cherjys rag dew weyth a gawsya mernans dre lewyans diantel hag onan a shyndya an hyns justis.
Ev a wra omdhiskwedhes yn Lys an Justisyow Truru dhe ethves warn ugens a vis Meurth.
A man has been charged with causing the deaths of two walkers by dangerous driving. Calvin Trevena and Ann Varran, both 51, were found between Chiverton Cross and St Agnes on the 2 August.
Police found a damaged white S4 Audi estate on the B3277 and the bodies of the two walkers nearby. Ryan Morrish, 27, from Redruth, has been charged with two counts of causing death by dangerous driving and one of perverting the course of justice.
He is due to appear at Truro Magistrates’ Court on 28 March.
Chif an Vorladron Gernewek, Ian Davies, a gablis breusyas Greg Macdonald, wosa aga fethans tre hwegh warn ugens dhe nownsek gans Doncaster, dy’Sul eus passyes.
Y feu tressa kolles a’n Gampyorieth rag an para ha gans hemma an Vorladron yw gesys nawves y’n vosen. “Piwpynag a gorras an bel y’n skyrmys, y kavas eev an kessydhyans; yma an bys rugbi ow tos yndella,” yn-medh Davies.
“My a wayt pan wariyn gansa arta, y’gan bydh breusyas neb a gonvedh an omdowl hag an skyrmys, drefen na’gan beu hemma, hag a nasyas an gwari.”
Assays dhyworth Jack Arnott ha kemerysi Jack Innard ha Tyler Gendall a dhendilas poynt mas ow kelli rag an para Davies.
Declan Cusack a botyas tri kessydhyans rag Doncaster, neb a vydh metya an Gernowyon arta, y’n diwettha eth a’n Hanaf Bretennek hag Iwerdhonek nessa mis.
Cornish Pirates boss, Ian Davies, criticised referee Greg Macdonald, after their 26-19 home defeat by Doncaster last Sunday.
It was the team’s third consecutive Championship loss and left the Pirates ninth in the table. “Whoever put the ball in the scrum got the penalty; that’s the way the world of rugby is going,” said Davies.
“Hopefully when we play them again we’ll have a referee who understands the maul and the scrum, because we didn’t have that, which affected the game.”
Tries from Jack Arnott and replacements Jack Innard and Tyler Gendall earned Davies’ side a losing bonus point.
Declan Cusack kicked three penalties for Doncaster, who will meet the Cornishmen again in the last eight of the British and Irish cup next month.
Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys gans Duncan McIntosh ha genev vy Julia Wass. Bys dy’Sul nessa, nos da dhywgh hwi oll.
You are listening to ‘An Nowodhow’ on BBC Radio Cornwall. This week’s programme was written by Duncan McIntosh and by myself, Julia Wass. Until next Sunday, good night to you all.