an 22a a vis Meurth 2020

Dohajydh da, ha dynnargh dhe dhyllans an seythen ma 'An Nowodhow' war BBC Radyo Kernow.

Good afternoon and welcome to this week’s edition of ‘An Nowodhow’ on BBC Radio Cornwall.

Brassa hwedhel an seythen o, heb mar, an kas erbynn an virus Covid-19.

Dy’Lun, an governans a dheklaryas y hwre ev synsi keskussulyans gwask dydhyek hag a vydh darlesys dre bellwolok. Kaderyer an keskusslyans a via menyster an governans, po an pennvenyster y honan, skoodhys gans konygyon medhegel ha skiensek.

Boris Johnson a wrug devnydh a’n kynsa keskussulyans gwask rag derivas nebes komendyansow nowydh hag a wra chanjya bewnans a bubonan y’n pow dres an misyow a dheu. Ottomma nebes a’n moyha posek:

• Y kodh dhe bubonan goheles tylleryow may kaffer meur a dus, kepar ha diwottiow, klubys ha gwarivaow.

• Pubonan a dal oberi y’ga chi mar kallons.

• Ny dylir mos dhe weles kowetha po kerens trigys yn anedhow gwith mar nyns yw res.

• Y tal dhyn gul devnydh a’n servisyow yeghes an lyha gyllyn hag, y’n kynsa le, mires orth an wiasva NHS.

• Y kodh dhe dus kottha ha tus erel gans klevesow an moyha sevur omenyshe dres dewdhek seythen.

• Mars eus pas po tempredh ughel dhe nebonan y’n chi, pubonan yw trigys ena a dal gortos tre dres peswardhek dydh. Y fydh kummyas dhe’n dus ma gasa an chi rag kerdhes y’n ayr fresk mes ny dal dhedha dos nes dhe dus erel.

• Pennkussulyer medhegel, Professor Chris Whitty, a leveris bos komprehendys y’n bagas a dus a dal omenyshe, y kevir:

• Tus moy es deg bloodh ha tri ugens aga oos.

• Tevesigyon erel neb a dhegemersa skityans flou pub bledhen.

• Benenes gans flogh.


The biggest story of the week was, of course, the battle against the Covid-19 virus.

On Monday, the government announced that it would hold a daily, televised press conference. The conference would be chaired by a government minister or by the prime minister himself, supported by medical and scientific experts.

Boris Johnson used the first press conference to announce some new recommendations that will change the life of everyone in the country for the coming months. Here are some of the most important ones:

▪ Everyone should avoid crowded places, such as pubs, clubs and theatres.

▪ Everyone should work from home if they can.

▪ No one should visit family or friends living in care homes unless they need to.

▪ We should use the health services as little as possible and, in the first instance, consult the NHS website.

▪ Older people and those with the most serious diseases should self isolate for twelve weeks.

▪ If anyone in a household has a cough or a high temperature, then everyone living there should stay at home for fourteen days. These people will be allowed to leave the house to go for a walk in the fresh air but they should not get close to other people.

Chief medical adviser, Prof. Chris Whitty, said that included in the group of people who should self isolate are:

▪ People over the age of 70

▪ Other adults who would have the flu jab every year.

▪ Pregnant women


Delatys re beu an Diskwedhyans Kernow Riel keffrys ha’n diskwedhyansow ammeth yn Dewnens ha Bath awos kussul an governans a-dro dhe’n virus Covid-19.

Dyghtyoryon an Diskwedhyans Kernow Riel a leveris i dhe gonvedhes bos an diskwedhyans posek dres eghen rag an diwysyans teythyek mes res o porres difres yeghes an poblek.

Yth esa war dowl an dhyghtyoryon synsi an diskwedhyans a-varr yn mis Metheven mes lemmyn delatys re beu bys dhe vis Gwynngala.

The Royal Cornwall Show has been postponed, as have agricultural shows in Devon and Bath, following government advice about the Covid-19 virus.

Organisers of the Royal Cornwall Show said that they understood that the show was extremely important for the local economy but that it was absolutely necessary to protect the public’s health.

The organisers had planned to hold the show in early June but it has now been postponed until September.


Yn kemenethow oll a-dreus Breten Veur lemmyn, yth ordenir ragdresow rag gweres orth tus enyshes gans an virus.

Yn Kernow, benyn re dhesinas karten bost gans an amkan a brofya gweres dhe dus usi owth omenyshe.

War an garten, y hyll tus yagh gasa aga hanow ha niver pellgowser, ha profya gweres gans oberow divers kepar ha prenassa ha livra post po proviansow erel.

Becky Wass, dhyworth Aberfala, a worras an kartennow dres kist lytherow hy hentrevogyon ha kevrenna an desin warlinen dre vedya socyal may hallo tus erel gul devnydh anodho.

Becky a leveris y teuth an tybyans dhedhi ha hi ow kewsel gans hy gour a-dro dhe fordhow a weres tus hag i owth omenyshe. Yn-medh hi, ‘Drefen an own dhe omlesa mar skon, res yw porres dhyn assaya darlesa kuvder’.


In communities all across Great Britain, projects are being set up to help people isolated by the virus.

In Cornwall, a woman has designed a postcard with the aim of offering help to people who are self-isolating.

On the card, healthy people can leave their name and telephone number and offer help with various jobs such as shopping and the delivery of post or other provisions.

Becky Wass, from Falmouth, put the cards through her neighbours’ letter boxes and shared the design online through social media so that other people might use it.

Becky said that the idea came to her while she was talking with her husband about ways of helping people while they were self-isolating. She said, ‘Because fear has spread so quickly, it’s really important to try to spread kindness.


Hag yn Eglosgostentin, spisti leel a wra ygeri y dharasow myttin a-varr, yn unnik rag tus moy es deg bloodh ha tri ugens aga oos.

Pub dydh, y fydh an gwerthji, Constantine Bay Stores y hanow, ygerys ynter eth eur ha hanter wosa eth dhe dus genys yn mil naw kans, deg ha dew-ugens po kyns.

Kyns ygeri, pub arenep y’n gwerthji a vydh glanhes gans rach, keffrys ha’n dornla.

Perghen an gwerthji, Chris Keeble, a leveris, ‘An seythen eus passyes, ni a verkyas bos nebes a’n tus kottha owth omglewes tamm ownek a-dro dhe bandr’a hwer. Ytho, dres an penn- seythen, ni a dhevisyas an dowlen ma rag ri dhedha tamm a gosoleth vrysel’.


And in Constantine, a local grocer’s will open its doors early in the morning, exclusively for people who are older than seventy.

Every day, the Constantine Bay Stores will be open between eight o’clock and half past eight for people born in 1950 or earlier.

Before opening, every surface in the shop with be carefully cleaned, as well as the door handle.

The shop’s owner, Chris Keeble, said, ‘"We noticed last week some of the older people feeling a bit scared about what is going to happen. So, we have come up with this over the weekend to give them a little bit of peace of mind."


Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Steve Harris. Bys dy’ Sul nessa, dydh da dhywgh hwi oll.


You are listening to ‘An Nowodhow’ on BBC Radio Cornwall. This week’s programme was written and presented by me, Steve Penhaligon. The editor was Steve Harris. Until next Sunday, good day to you all.