Dy’Sul 1 mis Meurth 2020

Dohajydh da, ha dynnargh dhe dhyllans a’n seythen ma ‘An Nowodhow’ war BBC Radyo Kernow.

Good afternoon, and welcome to this week’s edition of ‘An Nowodhow’ [‘The News’] on BBC Radio Cornwall.

Gwell yw gans golanes boos re beu handlys kyns gans tus, dell brof hwithrans nowydh.

Godhonydhyon gans dew gethsam tra a voos a nesas golanes loos yn Kernow.

Pan vons presentys gans dewis yntra an rohow, nownsek kansran ha tri ugens a’n golanes a dhewisas an re na re welsons yn leuvyow denel.

Awtores jif, Doktoures Laura Kelley, a Bennskol Garesk, a leveris sewyansow a’n studhyans a dhiskwedhas posekter a dhisposyans boos yn ewn.

An derivas, dyllys yn jornal Skians Ygor Kowethas Riel, a leveris hwithrer ow tegi flapjacks fardellys, gorherys gans kelern, dhe nesa golanes digoweth.

Pan veu an kelern lyftys, an hwithrer a handlas onan a’n flapjacks dres ugens sekond kyns y worra arta war an dor.

A’n etek golan warn ugens hag a veu prevys, peder warn ugens anedha a wodhynsis orth onan a’n flapjacks, ha nownsek anedha (hag yw nownsek kansrann ha tri ugens) a dhewisas an huni re bia handlys, y leveris an studhyans.

Awtoures jif, Madeline Goumas, dhyworth Kresen rag Ekologieth ha Gwithans a’n Bennskol, a leveris: “Ni a vynna dismygi mars yw an golanes tennys yn sempel gans gwel a voos, po mar kyll gwriansow tus tenna golok an golanes war-tu ha tra.

“Agan studhyans a dhiskwedh bos possybyl sinellow a dus dhe wari rann posek y’n fordh may kyv golanes boos, hag y tisplegsa yn rann prag re beu golanes mar sewen trevesiga arenebedhow trevek,” yn-medh hi.

Doktour Kelley a leveris megyans golanes dhe gomprehendya pysk ha enevales heb mellow keyn, mes y hyllons dybri ynwedh atal chi ha boos a dylleryow tirlanow.

Y leveris hi an studhyans dhe brofya y kolmo golanes tylleryow may teber tus dhe vosow es, ha moy gwirhaval yns dhe nesa boos may hwelsons tus y dhroppya po y worra war-woles”.

“Boosa an golanes dre happ a grefha an junyansow ma,” yn-medh hi.

Tony Whitehead, dhyworth RSPB, a leveris dhe’n BBC bos sewyansow an prevyans “dynyansek”.

“An pyth o kler dhymmo vy” yn-medh ev “o ass yw hwithrus an ydhyn ma,”.

Ev a wovynnas orth tus hedhi boosa an ydhyn, “dell dheu ha bos koth dhedha” hag y teuthons ha bos gohesys gans poblans kemmyn.

“Ny allons i gweles diblansneth yntra neppyth hag yw res ha neppyth hag usi yn sempel ena,” yn medh Mester Whitehead.

“Mar kwren ni lehe an gas”, yn medh ev, “y hyllyn gwellhe an imach a’n ydhyn ma”.

Seagulls are more likely to be attracted to food that has been handled by humans first, new research suggests.

Scientists armed with two identical food items approached herring gulls in Cornwall.

When presented with a choice between the treats, 79% of the gulls opted for items they had seen in human hands.

Senior author Dr Laura Kelley, of Exeter University, said the study's findings demonstrated the importance of disposing of food correctly.

The report, published in the Royal Society Open Science journal, said a researcher carrying wrapped flapjacks, covered by buckets, approached lone gulls.

When the buckets were lifted, the researcher handled one of the flapjacks for 20 seconds before putting it back on the ground.

Of the 38 gulls tested, 24 pecked at one of the flapjacks and 19 of these (79%) chose the one that had been handled, the study said.

Lead author Madeleine Goumas, from the university's Centre for Ecology and Conservation, said: "We wanted to find out if gulls are simply attracted by the sight of food, or if people's actions can draw gulls' attention towards an item.

"Our study shows that cues from humans may play an important part in the way gulls find food, and could partly explain why gulls have been successful in colonising urban areas," she said.

Dr Kelley said seagull diets include fish and invertebrates but they can also eat household waste and food from landfill sites.

She said the study suggested seagulls may associate areas where people are eating with easy meals and were "more likely to approach food that they have seen people drop or put down".

"Inadvertently feeding gulls reinforces these associations," she said.

Tony Whitehead, from the RSPB, told the BBC the results of the experiment were "fascinating".

"What stood out for me was just how observant these birds are," he said.

He called on people to stop feeding the birds as they are "getting used to it" and becoming disliked by the general population.

"They can't distinguish between something that is given and something that is just there," Mr Whitehead said.

"If we can reduce the conflict,” he said “we can improve the image of these birds”.

Yma Konsel Kernow ow tisplegya skrisellow golow gans an geryow warnedha “yth eson ni ow mires orthowgh” rag gweres dyghtya mostyans keun.

An skrisellow yw rann a wrians lestansek pesys a’n Konsel war berghenogyon ki “dibreder”.

Yma va owth oberi gans kaskyrgh Keep Britain Tidy hag yth yw rann a brofyans awtorita leel dhe witha an gonteth heb stroll.

Konseler Rob Nolan a leveris nag esa “askusyansow vyth” rag mostyans.

Avisyansow spal stag a lammas dhyworth seytek yn diw vil hag etek dhe nownsek bys dhe beswar ha peswar ugens yn diw vil ha nownsek dhe ugens awos an worgeredh war an offens, yn-medh Konsel Kernow.

Mester Nolan a leveris bos res dhe omdalgh “perthyans vytholl” erbynn mostyans ki bos krev kekemmys nevra kyns ystynnans dhe visyow hav may hyll keun bos war drethow.

“Kawgh ki yw kasadow, fyslek yw ha peryll yeghes yw,” yn-medh ev.

“Dhe’n gorthugherow gwav tewl ma, y preder nebes tus anvas nag yw res dhedha grevya dh’aga honan, awos i dhe brederi na vydhons aspiys.

“Lemmyn, y tal agan skrisellow dewlagas golow aga gul dasprederi”.

Mester Nolan a warnyas treuspassoryon fatel wra ledya dhe dharsewyans gans spal ughboyntel a vil peuns.

Yth yw Skol Lannergh ogas dhe Resrudh, onan a dhewdhek le may fydh prevys an kaskyrgh.

Mars yw sewen an prov, an konsel a wra lesa an method dres lycklod dhe voy konselyow tre ha pluw.

An kommendyans a skrisellow re lehas seulabrys mostyans keun bys dhe bymthek kansrann ha tri ugens yn Portsmouth – an kynsa le dhe usya an method ma – herwydh kaskyrghoryon.

Cornwall Council is putting up glow-in-the-dark posters with the words “we’re watching you” on them to help tackle dog fouling.

The posters are part of the Council’s ongoing preventative measures against “irresponsible” dog owners.

It is working with the Keep Britain Tidy campaign and it forms part of the local authority’s bid to keep the county litterless.

Councillor Rob Nolan said there were “no excuses” for fouling.

The crackdown on the offence has seen fixed penalty notices jump from 17 in 2018- 19 to 84 in 2019-20, Cornwall Council said.

Mr Nolan said the “no tolerance” approach to dog mess must be as strong as ever ahead of an extension to the summer months when dogs can be on beaches.

“Dog poo is unsightly, it’s a nuisance, and it’s a health hazard,” he said.

“On these dark winter evenings some unscrupulous people think they don’t need to take the trouble, as they think they won’t be observed.

“Now our luminous eyes posters should make them think twice”.

Mr Nolan warned offenders how it could lead to prosecution with a maximum fine of £1000.

Lanner School near Redruth is one of the 12 sites where the campaign will be tested.

If the pilot is successful the council will likely expand the approach to more town and parish councils.

The introduction of the posters has already reduced dog fouling by up to 75% in Portsmouth – the first place to use this approach – according to campaigners.

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys gans Julia Wass, ha genev vy, Duncan McIntosh. Bys dy’Sul nessa, dohahydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Julia Wass and by myself, Duncan McIntosh. Until next Sunday, good afternoon to you all.