an 24a a vis Me 2020

Dohajydh da, ha dynnargh dhe dhyllans an seythen ma ‘An Nowodhow’ war BBC Radyo Kernow.

Good afternoon and welcome to this week’s edition of ‘An Nowodhow’ on BBC Radio Cornwall.

Hwelji usys gans Dama Barbara Hepworth re beu grontys an gre a Radh Dew, dell leveris Pow Sows Istorek. Hepworth a brenas an Palais de Danse, cinema ha hel dons koth, y’n vledhen 1961. Yth esa an brassa spas usys gans an ravyores yn Porthia, hy thre adoptyes. Hi a usyas an spas, a-dal hy chi, rag gul kynsa versyons a ravyansow bras. Gwrys vons yn brons yn fenowgh. Hepworth a driga yn Studhleow Trewyn yn Porthia, dhyworth 1949 bys hy mernans, yn tan, an ugensves a vis Me, 1975. Y teu an deklaryans y’n keth seythen ha’n pympes penn-bloodh ha dew ugens a vernans Hepworth, dewdhek ha tri ugens bloodh hy oos. Y’n hwelji ma, Hepworth a oberas war an gravyans a vri, Single Form, gorfennys yn 1963. Lemmyn yma an gravyans ma yn-mes dhe’n Drehevyans Skrifenyaseth an Kenedhlow Unys yn Evrek Nowydh. An Palais de Danse a veu res dhe’n virva Tate Porthia gans teylu Hepworth y’n vledhen 2015. Y leveris kannas Pow Sows Istorek an Palais ha Trewyn “dhe dhiskwedhes ogas pub oos yn bewnans privedh hag awenek Hepworth” ha bos “kemynro posek a’y hevro dhe’n kemenethow poblek hag a artydhyon yn Porthia.”

A workshop used by Dame Barbara Hepworth has been granted Grade II-listed status, Historic England says. Hepworth bought the Palais de Danse, a former cinema and dance hall in 1961. It was the sculptor’s biggest work space in St Ives, her adopted hometown. She used the space, opposite her home, to create prototypes of major sculptures. They were often made in bronze. Hepworth lived in Trewyn Studios in St Ives from 1949 until her death in a fire on 20 May 1975. The announcement comes in the same week as the 45th anniversary of Hepworth’s death aged 72.

In that workshop, Hepworth worked on the famous sculpture Single Form, which was finished in 1963. It is now outside the United Nations Secretariat Building in New York. The Palais de Danse was given to the Tate St Ives gallery by Hepworth’s family in 2015. An Historic England Spokesman said the Palais and Trewyn “represent almost all periods in Hepworth’s personal and creative life” and were “an important legacy of her contribution to the public and artistic communities of St Ives”.

Gool Boardmasters re beu hedhys rag bledhen aral, an vledhen ma drefen an virus Kovid-19. Mestrysi an gool a leveris i dhe vos pur drist, mes bos yn kynsa le sawder a bubonan omvyskys hag a’n gemeneth deythyek. I a leveris an gool dhe vos kreffa nessa bledhen. Warlena, an gool a veu hedhys wosa gwarnyans hager-awelyow y’n ranndir Tewynblustri. Pymthek ha dew ugens mil dhen o gwaytys an mis Est ma rag mires orth bagasow kepar ha Kings of Leon ha’n 1975. Mars eus tokyn dhywgh, hwi a yll y usya rag gool 2021, po demondya agas arghans arta.

The Boardmasters festival has been cancelled another year, this year because of Covid-19.

Festival bosses said they were “absolutely gutted” but that the safety of everyone involved and the local community came first. They said the festival will be stronger next year.

The festival was called off last year after storm warnings for the Newquay area.

About 55,000 people were expected this August to watch groups such as Kings of Leon and the 1975.

If you have a ticket, you can use it for the 2021 festival or request a refund.

Bagas yowynkes a dhegemeras moy gorholethow a-dhiwedhes rag skoodhya kerens ha tus yowynk yn-dann alhwedh. Yma edhom dhe voy kerens kavos skoodhyans, hag edhommow yeghes brysel a dus yowynk a gressyas, herwydh kowethyans Tus Yowynk Kernow. An kowethyans skoodhya tus yowynk a selyas servis rag klappya warlinen. Hemm a brof skoodhyans orth tus yowynk ha gul dalgh besyel a yllons usya hag i ow kortos tre. Maga ta dell henna, an tus yowynk a yll drehedhes skoodhyans a-dro dhe jiow, dhe dhianedhter, ha dhe ombrofyansow les, ha gweres ow kavos boos lowr, der ober an bagas gans kowethyansow erel. Y leveris gweythores gemeneth, Donna Hobday hy hanow, bos bagasow gerens “rag aga gweres gans aga thus yowynk y’n chi.”

A youth group said it has been receiving more requests recently to support parents and young people in lockdown. More parents are needing support and the mental health needs of young people have increased, according to the organisation Young People Cornwall. The youth support organisation set up a webchat service. This offers support to young people, and creates digital content they can use while waiting at home. Young people have also been able to access support around housing, homelessness, benefit applications and accessing food, through the youth group’s work with other organisations. Community worker Donna Hobday said there were parent groups “to support them with their young people at home”.

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys gans Kensa Broadhurst, ha presentys ha pennskrifys genev vy Wella Morris. Bys dy’ Sul nessa, kemmerewgh with, ha dydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Kensa Broadhurst, and presented and edited by me, Wella Morris. Until next Sunday, take care and Good afternoon to you all.