an 3a a vis Me 2020
Dohajydh da, ha dynnargh dhe dhyllans an seythen ma 'An Nowodhow' war BBC Radyo Kernow.
Good afternoon and welcome to this week’s edition of ‘An Nowodhow’ on BBC Radio Cornwall.
Oberoryon na yll kowlwul aga soodh usadow awos musurow erbynn an virus Kovid Nownsek re beu yniys dhe weres tiogyon ow kuntel frooth ha losow-kegin dres an misyow a dheu.
George Eustice, skrifennyas a-barth an kerghynnedh hag Esel Senedh Kammbronn, Resrudh hag Heyl, a leveris y fedha ober a’n par ma gwrys, herwydh usadow, gans oberoryon sesonek dhyworth powyow tramor. Byttegyns, y’n eur ma, nyns esa y’n pow marnas tressa rann a’n oberoryon a vedha res dhe diogyon vretennek dres gwenton hag hav.
Ny wrug Mester Eustice displegya fatel ve an oberoryon arvethys mes ev a leveris bos res a lies oberer moy. ‘Yth eson ni owth oberi gans an diwysyans rag kavos towl’, yn-medh ev, ‘hag a wra kenertha dhe oberoryon kemeres nessa soodh ha gweres ow kuntel an trevas yn mis Metheven.’
Yma kummyas dhe dus na yll oberi rag aga arvethor usadow y’n tor’ ma hwilas soodh yn ken le mar kwrons i degemeres an trenyans yw res.
Herwydh Kowethas Tevyon Vretennek (an ‘British Growers Association’) yma edhom dhe diogyon a dheg mil ha tri-ugens a vayni sesonek pub bledhen mes, awos an barras Kovid Nownsek, nyns eus meur a oberoryon estren kavadow dhedha ha ny yllons arveth lowr a vayni leel.
Workers who are unable to carry out their usual jobs because of measures against the Covid-19 virus have been urged to help farmers by picking fruit and vegetables over the coming months.
George Eustice, environment secretary and MP for Camborne, Redruth and Hayle, said that this kind of work would usually be done by seasonal workers from overseas. However, at the moment, there were only a third of the workers in the country that will be needed by British farmers during spring and summer.
Mr Eustice did not explain how the workers would be recruited but he said that many more workers were needed. ‘We are working with the industry to find an approach’, he said, ‘that will encourage workers to take a second job, helping get the harvest in, in June.’
People who cannot currently work for their usual employer may look for a job elsewhere providing they receive the necessary training.
According to the British Growers Association, farmers need 70,000 seasonal staff every year but, because of the Covid-19 crisis, not many foreign workers are available to them and they are unable to recruit enough local staff.
Perghennow chiow golyow re dhegemeras arghasans, hanterkans milvil beuns y dalvosogeth, hag a veu profyes dhe negysyow byghan yn Kernow may hallons i treusvewa an barras Kovid Nownsek.
Diskudhys veu an derivadow ma gans konseler Cornelius Olivier, hag ev a geworras nag o ev pes da may halla perghennow a jiow golyow ombrofya rag an arghasans ma.
Herwydh Mester Olivier, a-dro dhe bymp mil berghen re ombrofsa rag an grontys, drefen bos aga chiow dyghtys avel negys byghan, hag i re dhegemersa deg mil beuns yn kettep penn.
Konseler Olivier a leveris y tal an governans lesta perghennow a jiow golyow rag aga dyghtya avel negysyow byghan drefen, y’n fordh ma, yth esens i ow koheles tollow an konsel ha tollow negys ynwedh.
Charjys re beu Konsel Kernow gans lesranna an arghasans proviys gans an governans hag ev a leveris ev dhe be kans, pymthek ha peswar ugens a vilvilyow a beunsow dhe voy es seytek mil negys.
An seythen usi passyes, governans Kembra a leveris na alsa perghennow a jiow golyow ombrofya rag an arghasans mar ny wrussens i degemeres brassa rann a’ga gober dhyworth an keth negys na.
Hembrenkyas Konsel Kernow, Julian German, a leveris y fia da gans an konsel kavos rewlys a’n keth par mes y fia res bos henna unverhes gans an governans Westminster.
Owners of holiday homes have received £50 million worth of funding which was offered to small businesses in Cornwall to help them survive the Covid-19 crisis.
This information was revealed by councillor Cornelius Olivier and he added that he was not happy that holiday home owners were eligible to apply for this funding.
According to Mr Olivier, about 5,000 owners had applied for the grants, because their houses were being run as a small business, and they had received £10,000 each.
Councillor Olivier said that the government should prevent holiday home owners from running them as small businesses because, by doing so, they were avoiding council tax and business tax as well.
Cornwall Council has been made responsible for distributing the funding provided by the government and it said that it had paid £195 million to more than 17,000 businesses.
Last week, the Welsh government said that holiday home owners could not apply for the funding if they did not receive the majority of their income from that business.
Julian German, leader of Cornwall Council, said that the council would like to have similar powers but that they would have to be agreed by the Westminster government.
Yma prederow dhe aluseneth yn Kernow a skoodh tus yowynk, neb a dal gwitha eseli aga theylu yn tre, ma na vo termyn lowr dhedha omdhiskwitha awos an barras Kovid Nownsek.
Kevin Downing, leveryas a-barth an aluseneth, Kernow Young Carers, a bysis tus yowynk, le es pymp bloodh warn ugens aga oos, dhe gestava orth gwithysi yowynk erel warlinen.
Mester Downing a leveris an aluseneth dhe gestava orth moy es dew vil withyas yowynk yn Kernow pub seythen rag profya skoodhyans dhedha.
A charity in Cornwall that supports young people who have to look after family members at home is concerned that they may not be getting sufficient time to relax because of the Covid-19 crisis.
Kevin Downing, a spokesman for the charity Kernow Young Carers called on young people, under the age of 25, to get in touch with other young carers online.
Mr Downing said that the charity contacted more than 2,000 young carers in Cornwall each week to offer support.
Hag yn Aberfala, bagas a withysi vewnans a wra degemeres aga threnyans warlinen a-der war dreth.
Matthew Stone, trenyer dhe Gyllyngvase Surf Lifesaving Club, a leveris, bys y’n eur ma, y feu moy es dew kans gwithyas bewnans dyskys gans an klub ha na vynna ev astel y ober awos an virus.
And in Falmouth, a group of lifeguards will be receiving their training online rather than on a beach.
Matthew Stone, a trainer at Gyllyngvase Surf Lifesaving Club, said that, so far, more than 200 lifeguards had been trained by the club and that he did not want to stop his work because of the virus.
Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Steve Harris. Bys dy’ Sul nessa, dydh da dhywgh hwi oll.
You are listening to ‘An Nowodhow’ on BBC Radio Cornwall. This week’s programme was written and presented by me, Steve Penhaligon. The editor was Steve Harris. Until next Sunday, good day to you all.