an 16ves a vis Hwevrer 2020

Dohajydh da, ha dynnargh dhe dhyllans an seythen ma 'An Nowodhow' war BBC Radyo Kernow.

Good afternoon and welcome to this week’s edition of ‘An Nowodhow’ on BBC Radio Cornwall.

Kepar ha pub ranndir an Ruvaneth Unys, fustys o Kernow gans tewedh Ciara dhe dhalleth an seythen, ha pesya a wrug an hager-awel dres an dydhyow a sewyas.

Pur grev o an gwyns - nebes hwaffow a dhrehedhas bys dhe beswar ugens mildir orth an our. Nyns yw anusadow gwynsow a’n nerth ma yn Kernow; byttegyns, yth esa nebes kudynnow dhe vos dyghtys a’y wosa.

Herwydh Western Power Distribution, yth esa a-dro dhe bymp kans annedh gesys heb nerth tredanek dres Kernow ha Dewnens.

Arnewys gans an gwyns veu arwodhow daromres keffrys ha to nebes chiow, ha diw wedhen a godhas a-dreus an fordh A tri hans, deg ha peswar ugens.

Kisyes ynwedh veu to tredanva Tredhinas ha res o astel an esporth a nerth dhe’n Rosweyth Tredan Kenedhlek may hallo an mayni hwithra an damach.

Delatyes veu nebes servisyow tren ha kowbal, hag an ayrlinen Flybe a dhileas brassa rann a’y neyjow dhe Garesk ha Tewynblustri.

Dy’Lun, Servis Tan ha Sawyans a dherivas re bia chiow oll a-dreus Kernow, dhyworth Pennsans bys dhe Borth, gweskys gans lughesennow. Y’n gwella prys, ny veu denvyth shyndys yn sevur, mes kisyes veu system tredanek an chiow ha res veu dhe’n dangasoryon oberi war an to rag kemeres dhe-ves prileghennow lows.

Like every region of the UK, Cornwall was battered by storm Ciara at the beginning of the week, and the bad weather continued over the following days.

The wind was very strong – some gusts reaching eighty miles an hour. Winds of this strength are not unusual in Cornwall; however, there were a few problems to be sorted out in its wake.

According to Western Power Distribution, around five hundred homes were left without power across Cornwall and Devon.

Traffic signs and house roofs were damaged by the wind, and two trees fell across the A390.

The roof of the St Dennis energy plant was also damaged and it was necessary to suspend the export of electricity to the National Grid so that staff could inspect the damage.

Train and ferry services were delayed and the airline Flybe cancelled the majority of its flights at Exeter and Newquay.

On Monday, the Fire and Rescue Service reported that houses all over Cornwall, from Penzance to Par, had been struck by lightning. Fortunately, nobody was seriously injured, but the houses’ electricity supplies were damaged and fire-fighters had to work on the roof to remove loose tiles.

Kernow a wra degemeres arghasans dhyworth an governans avel rann a ragdres rag plansa moy es deg mil ha dew-ugens a wedhennow a-dreus Kernow ha Pow Sows.

Tredhek ragdres a-dreus an pow a wra degemeres rann a’n Arghas Chalenj Gwydh Trevek, deg milvil beuns y dalvosogeth.

Yn Kernow, komendys re beu ragdres dhe dhisplegya spasow rag adhyskans mes a-ji, ha dhe genertha ekosystemow moy divers.

Skrifenyades a-barth an kerghynnedh, Teresa Villiers, a leveris y fia an gwydh nowydh heweres y’n batel erbynn chanj an hin, ha gweres dhe dus trigys yn trevow mayth omglewvons moy nes dhe’n bys naturel.

A-dreus dhe’n tredhek ragdres, yma govenek dhe’n governans plansa moy es dew vil warn ugens a wedhennow bras hag a-dro dhe eth mil warn ugens a wedhennow byghanna.

Ha nyns yw henna marnas kynsa tregh an arghasans. Y’n gwenton a dheu, gelwys vydh ragdresow a-dreus an pow ombrofya rag degemeres arghans dhyworth nessa tregh an arghas.

Erbynn an vledhen dew vil ha pymp warn ugens, an governans re ambosas plansa deg mil warn ugens a hektarow a wedhennow pub bledhen a-dreus an Ruvaneth Unys.

Cornwall will receive funding from the government as part of a project to plant more than 50,000 trees across Cornwall and England.

Thirteen projects across the country will receive a share of the Urban Tree Challenge Fund which is worth £10 million.

In Cornwall, a project has been approved to develop areas for outdoor learning, and to promote more diverse ecosystems.

Environment Secretary, Theresa Villiers, said that the new trees would assist in the fight against climate change and help people living in towns feel closer to the natural world.

Across the thirteen projects, the government hopes to plant more than 22,000 large trees and about 28,000 smaller ones.

And this is only the first tranche of funding. Next spring, projects across the country will be invited to apply for money from the next tranche of the fund.

By 2025, the government have promised to plant 30,000 hectares of trees every year across the UK.

Towl rag gwellhe an fordh A deg warn ugens ynter Krowsfordh Bowdir ha Krowsfordh Chi war Donn re beu komendys gans an governans.

Herwydh an towl, y fydh karrhyns dewblek nowydh drehevys ynter an dhew le, keffrys ha fordh a-dro war dhew nivel dhe Ji war Donn. An oberow a wra dalleth diwettha y’n vledhen ma, hag yma govenek an ragdres dhe vos kowlwrys erbynn dew vil ha tri warn ugens. Gwithys vydh an fordh koth rag daromres teythyek.

Kost an oberow a vydh a-dro dhe dhew kans, deg ha peswar ugens milvil a beunsow. An ragdres a wra degemeres arghasans, eth milvil beuns y dalvosogeth, dhyworth Arghas Europek a-barth Displegyans Ranndiryel hag y fydh an remenant proviys gans an governans.

Leveryas a-barth Konsel Kernow, konselor Geoff Brown, a leveris bos an ervirans ‘nowodhow pur wolkom’ rag tus ow mos ha dos dh’aga ober. Ha Josh Hodder, dyghtyer an ragdres a-barth Highways England, a geworras bos an fordh, ‘posek dres eghen rag Kernow y’n termyn a dheu’.

A plan to improve the A30 between Carland Cross and Chiverton Cross has been approved by the government.

According to the plan, a new dual carriageway will be built between the two sites, as well as a two-level roundabout at Chiverton. The works will commence later this year, and it is hoped that the project will be complete by 2023. The old road will be retained for local traffic.

The cost of the work will be about £290 million. The project will receive funding worth £8 million pounds from the European Regional Development Fund and the rest will be provided by the government.

A spokesman for Cornwall Council, councillor Geoff Brown, said that the decision was ‘very welcome news’ for people commuting to and from work. And Josh Hodder, project manager for Highways England, added the road was ‘incredibly important for Cornwall’s future’.

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Steve Harris. Bys dy’ Sul nessa, dydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written and presented by me, Steve Penhaligon. The editor was Steve Harris. Until next Sunday, good day to you all.