an 9ves a vis Hwevrer 2020

Dohajydh da, ha dynnargh dhe dhyllans an seythen ma ‘An Nowodhow’ war BBC Radyo Kernow.

Good afternoon, and welcome to this week’s edition of An Nowodhow on BBC Radio Cornwall.

Gwrier kernewek a fylmow, Mark Jenkin y hanow, a waynyas an BAFTA rag “Dalleth a Bris gans Skrifer, Kevarwodher po Askorrer Bretennek” rag y fylm ‘Bait’ po ‘Treustrum’, neb a veu fylmyes yn Porthmeur West hag yn Pennwydh West, ow kul devnydh a gamera dorn-treylyes ha fylm gwynn ha du. Yn-medh Mr Jenkin, “An bagas a wrug an fylm ma a dheuth dhyworth poll kowrek a dus awenek yn Kernow. Sewena ‘Bait’ re ros dhymm seulabrys meur a jonsyow, mes ni a wra fylm a vynnyn ni gul, ha mars ywa da genen, sur ov vy bos goslowysi ragdho. Mis Me ha Mis Metheven y hwren ni fylm skruth gorrys yn 1973 war enys dhismygel ryb arvor Kernow, fylmyes y’n west pell. Dell dhesevav, parys vydh ev erbynn etek mis alemma.”

Cornish film-maker Mark Jenkin has won the BAFTA for “Outstanding Debut by a British Writer, Director or Producer” for his film ‘Bait’, shot in Charlestown and West Penwith, using a hand- cranked camera and black and white film. Mr Jenkin said, “The team behind this film comes from a huge pool of creative people within Cornwall. The success of ‘Bait’ has already opened a lot of doors for me, but we just make a film we want to make, and then if we like it, I’m convinced there’ll be an audience for it. In May and June we’re shooting a horror film set in 1973 on an imaginary island off Cornwall, and filmed way down west. It should be ready in about 18 months time.”

Y teklaryas rol performyoryon a wool Boardmasters yn Tewynblustri an mis Est ma. Yn-mysk an bennwaryoryon yma Skepta, Kings of Leon hag an 1975, hag an bennseythen a ost ynwedh kesstrifow a vordardha. Dizzee Rascal, Mura Masa, an Kooks ha Sam Fender a wra performya ynwedh hevlena y’n gool ynter an 5es ha’n 9ves a vis Est. Dileys veu Boardmasters warlena awos hager-awelyow. Y tesevas ogas dhe 55,000 a dus yn Tewynblustri mis Est usi passyes, mes an dhyghtyoryon a leveris bos dargan kewer “re sevur”. An dhyghtyoryon a brofyas astiveryansow yn tien, kyn viajsa meur a wolyoryon a-dreus dhe’n pow.

The line-up has been announced for the Boardmasters festival this August in Newquay. Skepta, Kings of Leon and the 1975 are among the headliners, while the weekend also hosts surfing competitions. Dizzee Rascal, Mura Masa, The Kooks and Sam Fender will also be performing at this year’s festival, between 5 and 9 August. Boardmasters was cancelled last year because of storms. About 55,000 people were expected in Newquay last August, but organisers said the weather forecast was “too severe”. Organisers offered full refunds, although many revellers had already travelled across the country.

Herwydh hwithrans hembrenkys gans Pennskol Aberdeen, y hallo bewa howlvorbleydhi (basking sharks) yn bagasow teylu. Moy es 400 profil genynnek a wrug an skiensydhyon dhyworth swabbys a bur kroghen. Bagasow bras a’n morvleydhi a omguntel yn Mor Iwerdhon hag yn Mor an Enesow Heledh ynter mis Me ha mis Hedra rag omdhon ha rag dybri plankton. Yn-medh Dr Catherine Jones, a weresas dhe hembronk an hwithrans, “Kerens a wodrig war-barth a allo esya dyski fordhow a dhivroans, ha kennertha ken omdhegansow kesoberek. Hemm a styr bos moy ow hwarvos yn bagasow howlvorbleydhi es dell hevel yn kynsa; ny dhesedhons i an skwirglassans morvleydh avel preydher digoweth hag anserghek.”

According to research led by the University of Aberdeen, basking sharks might live in family groups. The scientists created more than 400 genetic profiles from swabs of skin mucus. Large groups of the sharks gather in the Irish Sea and the Sea of the Hebrides from May to October to breed and feed on plankton. Dr Catherine Jones, who helped to lead the study, said: “Relatives hanging out together could facilitate learning migration routes and encourage other cooperative behaviours. This means there’s more going on in basking shark aggregations than first appears; they don’t fit the shark stereotype of a lonesome independent predator.”

Yma athlet kernewek Melissa Reid owth ombareusi rag an Gwariow Paralympek yn Tokyo an hav ma. Hi a wayt hi dhe geworra an vedalen vrons a waynyas yn Rio yn 2016. Hi re beu kampyer an bys y’n paratriathlon, y’n dewathlon hag yn mordardha aswiwek, ha viajya bys yn Kaliforni an 8ves a vis Meurth rag bos kevrennek a gampyorieth ollvysel a vordardha aswiwek. Yn Kernow yw gwrys brassa rann hy threynyans rag ponya, rag diwrosa ha rag neuvya. Yn-medh hi, “Ny allav vy saw omjersya gans an pyth a wrug vy nans yw peder bledhen: y fia kales dhe dhiberth heb medalen vydh, mes skwir a athletys benow re wellhas kemmys dres an vledhen usi passyes, ha bryntin yw dhe weles moy a dus ow tos dhe’n sport. My a wayt dihwans war-lergh gweles pygemmys dell yll pubonan omherdhya hevlena.”

Cornish athlete Melissa Reid is preparing for the Tokyo Paralympics this summer. She hopes to add to the bronze medal she won at Rio in 2016. She has been a world champion in paratriathlon, duathlon and adaptive surfing, and is travelling to California on 8 March to take part in the world championships of adaptive surfing. Most of her training for running, cycling and swimming is done in Cornwall. She said, “I can’t just get comfortable with what I did four years ago: it would be hard coming away without a medal, but the standard of female athletes has improved so much in the past year, and it’s really good to see more people coming through to the sport. I’m so looking forward to seeing how much everyone can push this year.”

Yth esowgh hwi ow koslowes orth “An Nowodhow” war BBC Radyo Kernow. An dowlen an seythen ma a veu skrifys ha presentys genev vy, Wella Morris. John Parker o an pennskrifer. Bys dy’Sul nessa, dydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Steve Penhaligon, and by myself, John Prowse. Good afternoon and a Happy New year to you all.