an 26ves a vis Genver 2020

Dohajydh da, ha dynnargh dhe dhyllans an seythen ma 'An Nowodhow' war BBC Radyo Kernow.

Good afternoon and welcome to this week’s edition of ‘An Nowodhow’ on BBC Radio Cornwall.

Ayrlinen Flybe, ha re beu sawyes an seythen eus passys gans arghans dhyworth an governans, a dewl towl rag hedhi y servis yntra Tewynblustri hag ayrborth Heathrow mis-Meurth.

An servis a vydh asleys gans neyjow yntra Tewynblustri hag ayrborth Gatwick.

An chanj ma a dheuth marnas nebes dydhyow wosa menystoryon a leveris y tegodh dhe’n ayrlinen degemeres skoodhyans drefen bos mellow ranndiryel mar bosek.

Yma desev, negysyow yn soth-west a wra dos ha bos serrys, drefen bos da gansa an dewis a dylleryow keswlasek proviys gans ayrborth Heathrow.

Unn sodhek dhe’n displegyans ranndiryel yn-medh: “Ayrborth Heathrow a’gas gorr war’n mappa pan vynnowgh tenna kevarghow war-ji.”

Awos an kolmow ynter Kernow ha Loundres dhe vos mar bosek, yma dhe’n viaj ma kevambos “ambos servis poblek” (public service obligation contract).

Styr a hemma yw, an governans a brof arghans-gweres rag an viaj ma ha govyn orth negysyow dh’y oberi.

Flybe, the airline which was saved by government money last week, is planning to scrap its Newquay-Heathrow service in March.

It will replace it with flights from Newquay to Gatwick airport.

The change comes just days after ministers said the airline should receive support because regional connections are so important.

The change is expected to anger businesses in the South West, because they like the range of international destinations Heathrow provides.

"Heathrow puts you on the map when it comes to attracting inward investment," said one regional development official.

Cornwall's links to London are considered important enough to make the route one of the few in the UK to be operated under a "public service obligation" contract.

This means the government offers a subsidy for the route and invites tenders to operate it.

Benyn dhyworth Kernow a veu tennys marow gans hy heskoweth, kyns ev dhe omladha, nebes seythennyow wosa hi dhe remova chi dhe Texas rag bos ganso.

Tracey Lovell, peswar bloodh ha dew ugens, dhyworth Heyl, a vetyas Tom Bailey, tri ugens bloodh, warlinen.

Ev a’s vystyas yn Kernow yn dewvil hag etek, ha mis Du, an vledhen ma, hi a removas chi rag triga ganso.

Tracey Lovell a veu kevys an nawves mis Genver, dewvil ha nownsek, yn chi Bailey, yn Victoria, Texas. An korf a veu kwethys gans lenn war weli hag yth esa dew woli gonn dh’y fenn.

Korf Bailey a veu kevys war an leur ryb an gweli gans unn goli gonn dh’y benn.

Breuslys yn Texas a rewlyas an vernansow dhe vos moldrans-omladhans.

Helerghyas sodhek an kreslu McConnell, dhyworth Kreslu Kernow ha Dewnans, a leveris dhe’n govynadow mernans “Pan gavas Tracey kerensa warlinen hi a brederas homma a ve chons chanj- bewnans a vynnsa hi.

“Soweth, an gerensa a finsyas y’n gwettha fordh possybyl” yn-medh ev.

Ev a leveris nyns o kreslu Texas pur weresek ow korthebi govynnow.

Mestres Lovell a veu dres yn Breten Veur an ethves mis Meurth hag yth esa servis er hy hov.

An govynadow mernans a glewas unn mab dhe Vestres Lovell a omladhas an hwetegves mis Meurth, yn Pennsans, ha’y mamm a verwis a gaws gnasek an keth seythen.

Guy Davies, Iskuruner rag Kernow a govadhas breus a ladhva anlaghel.

“Ny via possybl diskudha na resnans na acheson,” yn-medh ev.

“Prag y feu hi tennys a wra pesya ankoth.”

Mestres Lovell a verwis ynter an peswora ha’n nawves mis Genver dewvil ha nownsek, ha’n kaws medhegel dh’y mernans a veu selyes gans arholyas medhegel konteth Travis avel tenn gonn dh’y fenn.

A woman from Cornwall was shot dead by her partner before he turned the gun on himself, weeks after she moved to Texas to be with him.

Tracey Lovell, 44, from Hayle, met Tom Bailey, 60, online in 2018.

He visited her in Cornwall in 2018 and in November that year she moved to live with him.

Tracey Lovell was found on 9 January 2019 at Bailey's home in Victoria, Texas, covered in a blanket on a bed, with two gunshot wounds to the head.

Bailey's body was found on the floor next to the bed with a single gunshot wound to the head.

A court in Texas ruled the deaths to be a murder-suicide.

Det Con McDonnell, from Devon and Cornwall Police told the hearing: "When Tracey found internet romance she thought this may be the life-changing opportunity she had wanted.

"Tragically it ended in the worst possible way," he said.

He said Texas police had not been helpful answering questions.

Mrs Lovell was repatriated on 8 March and a memorial service was held.

The inquest heard one of Mrs Lovell’s sons took his own life on 16 March, in Penzance, and her mother died of natural causes the same week.

Guy Davies, the assistant coroner for Cornwall, recorded a conclusion of unlawful killing.

"It has not been possible to establish reasoning or motive," he said.

"Why she was shot will remain unknown."

Mrs Lovell died between 4 and 9 January 2019 and the medical cause of death was established by the Travis County Medical Examiner as a gunshot to her head.

Gwaynores Olympek dewblek, Helen Glover hy hanow, a dhinythis gevellyon.

Yma dhe’n skath-revyores ha’y our, Steve Backshall, tri flogh yn-dann dhew vloodh aga oos lemmyn.

Glover, dhyworth Kernow, a dhiskudhas an nowodhow war vedia socyal gans skeusen a dri dewdros vunys, dhe’y mab, Logan, etek mis, ha’n wevellyon, maw ha mowes.

Y skrifas hi war Instagram: “Yma edhom dhyn a skath brassa!” Hi a leveris ynwedh “Dynnargh dhe’n bys.”

Glover, gevel hy honan, a waytyas gevellyon pan o hi torrek an termyn kynsa, mes soweth, hi a gollas unn gevel.

Double Olympic champion Helen Glover has given birth to twins.

The rower and husband, Steve Backshall are now parents to three children under the age of two.

Glover, from Cornwall, revealed the news on social media with a picture of three sets of tiny feet - that of 18-month-old son Logan and the two new arrivals, a boy and a girl.

She wrote on Instagram: "We're gonna need a bigger boat!" She also said: "Welcome to the world!”

Glover, a twin herself, was expecting twins during her first pregnancy but unfortunately she lost one of the babies.

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys ha presentys genev vy, Kensa Broadhurst. An pennskrifer o Steve Harris. Bys dy’ Sul nessa, dydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written and presented by me, Kensa Broadhurst. The editor was Steve Harris. Until next Sunday, good day to you all.