an 19ves a vis Genver 2020
Dohajydh da, ha dynnargh dhe dhyllans an seythen ma 'An Nowodhow' war BBC Radyo Kernow.
Good afternoon and welcome to this week’s edition of ‘An Nowodhow’ on BBC Radio Cornwall.
Towl rag sawya ayrlinen Flybe re beu unverhes ynter an governans ha kevrenogyon an kowethas.
Flybe a brovi moy a servisyow dhe ayrborth Tewynblustri es dell wra pub ayrlinen aral ha pur bosek yw dhe erbysiedh Kernow ha’y heskomunyansow gans ranndiryow erel a’n Ruvaneth Unys ha powyow tramor. Yn arbennek, an restren dydhyek dhe Loundres a dhre meur a lesow dhe Gernow.
A-dro dhe eth milvil trethyas a wra devnydh a servisyow Flybe pub bledhen.
Y krysir bos a-dro dhe gans milvil a beunsow a gendonow dhe’n kowethyans ha’n governans a unverhas tewlel towl nowydh rag akwytya an kendonow ma. Dres henna, an governans a wra gul daswel a’n toll trethysi ayr a dal bos pes gans tremenysi y’n Ruvaneth Unys.
Y’n kettermyn, kevrenoryon Flybe, y’ga mysk Virgin Atlantic ha Bagas Stobart, a wra provia moy a arghansans dhe’n ayrlinen.
Kesunyans a-barth lewyadoryon bretennek, an British Airline Pilots Association, a leveris bos henna nowodhow da rag mayni an kowethyans hag ynwedh rag kemenethow hag a wrussa kelli aga hevrennow ayr heb Flybe.
Byttegyns, nyns o pubonan pes da gans an nowodhow. Caroline Lucas, Esel Senedh a-barth an Parti Gwer, a leveris y hwrussa an profyans a lehe tollow ayr kenertha viajyow dre jynn ebron hag a via dregynnus dhe’n kerghynnedh.
Ha pennsodhek International Airlines Group, Willie Walsh, a omsettyas orth an akord ow leverel nag o gwiw gul devnydh a dollow poblek rag skoodhya kowethyans na via dyghtys yn ta. Mes Mark Anderson, pennsodhek Flybe, a dheskrifas an akord avel ‘sewyans posedhek rag an Ruvaneth Unys’.
A plan to save the airline Flybe has been agreed between the government and stakeholders in the company.
Flybe provides more services to Newquay airport than any other airline and is extremely important to Cornwall’s economy and its communications with the other regions of the UK and countries overseas. In particular, the daily link to London brings great benefits to Cornwall.
About eight million passengers use Flybe’s services every year.
It is believed that the company has debts of about £100 million and the government has agreed to draw up a new plan for the repayment of these debts. The government will also be reviewing the air passenger duty which must be paid by travellers in the United Kingdom.
Meanwhile, Flybe’s shareholders, Virgin Atlantic and Stobart Group among them, will provide more funding to the airline.
The union which represents British pilots, the British Airline Pilots Association, said that this was good news for the company’s staff and also for communities which would lose their air links without Flybe.
However, not everyone was pleased by the news. Caroline Lucas, MP for the Green Party, said that the proposal to reduce air duty would encourage air travel which would be harmful to the environment.
And the chief executive of International Airlines Group, Willie Walsh, attacked the agreement saying that it was not appropriate to use taxpayers’ money to prop up a company that had not been properly managed.
However, Mark Anderson, the chief executive of Flybe, described the agreement as ‘a positive outcome for the UK’.
Drefen edhom meur a’y servisyow y’n eur ma, dyghtyoryon Klavji Kernow Riel re dewlis towl rag dyghtya an kudyn ma. Byttegyns, nebes medhogyon a’s teves own bos an profyansow peryllus dhe salowder an berthyoryon.
A-gynsow, mar vysi re beu an klavji mayth o res dhodho skonya degemeres perthyoryon ha dhedha goliow nag o sevur. Ha res veu dhe nebes perthyoryon erel gortos bys dhe dhewdhek our y’n asran woredhom rag kavos gweli.
Herwydh notyans sodhogel gwelys gans an BBC, yma dyghtyoryon an klavji owth ynia medhogyon dhe wul devnydh a servisyow kemeneth erel ha dhe gonsidra mar kalsens i danvon tre nebes perthyoryon moy a-varr es dell usys. An notyans a bes, ow leverel y tal dhe vedhogyon prederi gans rach a-dro dhe beryllow an ervirans ma ha konvedhes y halsa martesen nebes perthyoryon bos shyndys, hag i tre arta, ha bos degemerys arta dhe’n klavji.
Dyghtyer Medhegel, Allister Grant, a dhisplegyas na wrussa pub medhek devnydh a servisyow kavadow y’n gemeneth hag yth esa ev orth aga henertha a wul yndella. Ev a geworras bos lies perthyer koth ha gwann ha na allas bos sur aga bos salow hag i tre arta. Byttegyns, ny via henna sewyans a’ga bos danvenys tre dydh po dew a-varr.
Because of the great demand on its services, managers of the Royal Cornwall Hospital have come up with a plan to deal with the problem. However, some doctors fear that the proposals endanger patient safety.
Recently, the hospital has been so busy that it was necessary to refuse admission to patients with minor injuries. And other patients had to wait up to twelve hours for a bed in the emergency department.
According to an official memo seen by the BBC, the hospital management are urging doctors to make use of other community services and to consider whether they could send some patients home earlier than usual. The memo goes on to say that doctors should carefully consider the risks of this decision and understand that some patients might come to harm once back home and be readmitted to the hospital.
Medical Director, Allister Grant, explained that not every doctor had made use of services available in the community and he was encouraging them to do so. He added that many patients were old and frail and it was impossible to be certain that they would be safe once they were home again. However, this would not be a result of their being discharged a day or two early.
Kolji re brovias adhyskans ha trenyans galwansek dhe dus yowynk dres pymthek bledhen warn ugens a vydh degys awos fowt a arghasans.
Leveryas a-barth Kolji Kernow Essa a dherivas y fydh an kolji degys dhe benn mis Gortheren. Byttegyns, y hyll pub studhyer kowlwul y steus hevlena.
An kolji a erviras bos res dhodho degea drefen arghasans rag adhyskans galwansek dhe lehe gans deg kansran warn ugens dres an deg bledhen eus passyes.
An kolji a wra omgussulya gans eseli y vayni ha, mars yw possybyl, profya dhedha sodhow y’n koljiow erel. Yma govenek ynwedh may hallo studhyoryon kavos steusow gwiw yn Kolji Kernow Sen Austel po Kolji Duketh Tredirklym.
A college which has provided vocational education and training to young people for thirty- five years will be closed due to lack of funding.
A spokesman for Cornwall College Saltash reported that the college will close at the end of July. However, all students will be able to complete their courses this year.
The college decided that it had to close because funding for vocational education had reduced by thirty percent over the last ten years.
The college will be consulting its members of staff and, if possible, will offer them posts at other colleges. They also hope that students will be able to find suitable courses at Cornwall College St. Austell or Duchy College Stoke Climsland.
Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o John Parker. Bys dy’ Sul nessa, dydh da dhywgh hwi oll.
You are listening to ‘An Nowodhow’ on BBC Radio Cornwall. This week’s programme was written and presented by me, Steve Penhaligon. The editor was John Parker. Until next Sunday, good day to you all.