an 12ves a vis Genver 2020

Dohajydh da, ha dynnargh dhe dhyllans an seythen ma ‘An Nowodhow’ war BBC Radyo Kernow.

Good afternoon, and welcome to this week’s edition of An Nowodhow on BBC Radio Cornwall.

Mans, Chris Witt y hanow, re gemeras y arwodhik glas rag parkya wosa Konsel Kernow dhe gildenna a’y bolici kyns.

Mr Witt a veu res kummyas a deyr bledhen yn 2015 wosa bos treghys dhe-ves tri a’y vesies troos awos kleves melys, ha hemm a nasyas y hevovter ha’y gespos.

Alena rag, treghys veu ynwedh y arr gledh a-woles dh’y lin, mes y esel fals re wellhas nebes a’y hevovter, hag ev a veu neghys arwodhik gans Konsel Kernow yn 2018.

Byttegyns Mr Witt a leveris an arwodhik dhe vos res dhodho rag may parkyo ev yn spassow le mayth allo ygeri yn tien daras an karr ha diyskynna y arr fals yn unn leska.

Konsel Kernow a leveris na dhrehedhas Mr Witt an skantlyn kenedhlek.

Richard Pears, Konseler rag Mont Charlys ha James Mustoe, Konseler rag Lannvorek, a bysis an Konsel mis Gwynngala a dhiskwedhes tregeredh pan ervir ev dewisadewder rag arwodhigow, ha’n Konsel re nowedhis lemmyn y idyans rag gasa “kasys ankoth”.

Yn-medh Konseler Mustoe, “Hemm a wra effeyth posedhek rag trigoryon a assay na dhe asa aga evredhder ervira an pyth a yllons i gul ha’n pyth na yllons.”

Yn-medh Konseler Pears, “Hemm yw trygh rag skians da, ha pes da ov dhe weles Konsel Kernow dhe wul yn ewn ha dhe amendya y idyans may has ev tregeredh ha dothter bos diskwedhys pan na dhrehedh kasys arbennek aga skantlyn.”

Herwydh gidyans an governans, rester an arwodhigow glas a weres an dus gans kudynnow sevur a hevovter, kawsyes gans evredhder gweladow hag anweladow dhe dhrehedhes gwara ha servisyow, orth aga gasa parkya ryb penn aga fordh.

An amputee, Chris Witt, has received his parking blue badge after Cornwall Council have climbed down.

Mr Witt was given a three-year permit in 2015 after he had some toes amputated due to diabetes, which affected his mobility and balance.

Since, he has had his left leg removed below the knee but the prosthetic has slightly enhanced his mobility, and he was refused a badge by Cornwall Council in 2018.

However, Mr Witt said he needed the badge to park in spaces where he could open the car door fully and swing his prosthetic leg out.

Cornwall Council said Mr Witt did not meet the national criteria.

Richard Pears, Councillor for Mount Charles and James Mustoe, Councillor for Mevagissey, asked the Council in September to show compassion when determining eligibility for badges, and the council has now updated its guidelines to allow “exceptional cases”.

Councillor Mustoe said: “This will undoubtedly have a positive impact on residents who are trying to not allow their disabilities to determine what they can and cannot do.”

Councillor Pears said: “This is a victory for common sense and I am pleased to see Cornwall Council has done the right thing and amended their guidance to allow compassion and discretion to be shown when certain cases don’t tick all their boxes.”

According to government guidelines, the blue badge scheme helps people with severe mobility problems caused by visible and non-visible disabilities to access goods and services, by allowing them to park close to their destination.

Y fydh chanj y’n rewlys ow tochya geun war drethow Konsel Kernow.

A-lemmyn emskemunys yw keun dres brassa rann an jydh war an peswar treth ha dew-ugens yntra Pask ha diwedh mis Gwynngala.

Y komendir lemmyn bos an emskemuna dres mis Gortheren ha mis Est hepken, hag ynter deg eur dhe vyttin ha pymp eur androweyth.

There’s to be a change in the rules about dogs on Cornwall Council’s beaches.

Currently dogs are banned for most of the day on the forty-four beaches from Easter until the end of September.

Now it’s being recommended the ban will be just for July and August - from ten in the morning until 5pm.

Provians nosweyth a vedhogyon vayni hag erbynn an byghanna shyndyansow a veu dileys yn Klavji Strasnedh, ogas dhe Borthbud, an kynsa a vis Genver ha’n dileans a wra pesya dew vis, dell dhesevir.

Klavji Barnstaple yw an nessa dewis, ogas ha hwetek mildir warn ugens a-dre. Keskowethyans Yeghes ha Gwith Kernow ha Syllan a leveris bos edhom dhodho dhe “geskreuni an gwith le mayth usi an moyha gorholedh”.

Unses Shyndyansow Byghanna Strasnedh a vydh ygor hwath ynter eth eur kyns hanterdydh ha diw eur warn ugens, mes an asnodhow nosweyth re beu removys bys yn Klavji Kernow Riel yn Trelosk rag lehe an poos ena.

Konseler Kernow David Parsons a leveris bos an gresen Borthbud “gonis troboyntel” y’n arenebedh powek.

Esel Senedh rag Kernow Kledh Scott Mann a leveris y vos diswaytys gans an ervirans.

GP and minor injury overnight provision was scrapped at Stratton Hospital, near Bude, on 1 January and is expected to last two months.

The nearest alternative is about 36 miles away at Barnstaple Hospital. Cornwall and Isles of Scilly Health and Care Partnership said it needed to “concentrate care where there is greatest demand”.

The Stratton minor injury unit will still be open from 08:00 until 22:00 every day, but overnight resources have been moved to the Royal Cornwall Hospital in Treliske to ease pressure there.

Cornwall councillor David Parsons said the Bude centre was a “crucial service” in the rural area.

North Cornwall Conservative MP Scott Mann said he was disappointed with the decision.

Yth esowgh hwi ow koslowes orth “An Nowodhow” war BBC Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer. Bys dy’Sul nessa, dydh da dhywgh hwi oll.

You’ve been listening to An Nowodhow on BBC Radio Cornwall. This week’s script was written by me, Wella Morris. The editor was Steve Harris. Until next Sunday, good day to you all.