Dy’Sul 5 mis Genver 2020

Dohajydh da, ha Bledhen Nowydh da, ha dynnargh dhe dhyllans a’n seythen ma ‘An Nowodhow’ war BBC Radyo Kernow.

Good afternoon, and Happy New Year, and welcome to this week’s edition of An Nowodhow [‘The News’] on BBC Radio Cornwall.

Re beu apoyntys MBE hensouder Dydh-D, neb a guntellas moy es pymp warn ugens mil a beunsow troha’n kost a dhrehevel men-kov kenedhlek owth enora y gothmans kodhys.

Harry Billinge, peswardhek ha peswar ugens y oos, a leveris y tegemersa an piwas rag aswon an mayni servis, dew warn ugens mil, peswar kans, dew ha dewgens y niver hag a veu ledhys dhe Dhydh-D ha dres an vatel rag Normandy.

Mester Billinge, dhyworth Sen Ostel, o etek bloodh, pan diras ev war Dreth Owr dhe hwegves a vis Metheven, mil naw kans, peswar ha dewgens.

Ev a leveris bos “overkomys yn feur” gans an enor.

Ev a vyajyas dhe Normandy yn mis Metheven warlena rag merkya an penn-bloodh pympthegves ha tri ugens a diransow Dydh-D.

Ev eth dhe weles an dislennans an gynsa selveyn a ven-kov rag aswon an re neb a sodhas yn Lu Predennek dres an vresel.

War an penn-bloodh, ev a leveris gans amovyans orth BBC Breakfast dell nyns o ev gorour.

“Na wodhowgh gras dhymmo vy ha na leverewgh ow bos gorour,” yn-medh ev.

“Oll an worwer yw marow ha ny ankovav nevra, hedre viv byw.“

Mester Billinge, neb a gyv piwas an brassa Pow Frynk, Legion d’Honneur, re omgemeras ober alusenek yn Kernow ynwedh, ow kuntelles rag Poppy Appeal an Lyjyon Predennek Riel dres peder bledhen ha tri ugens komprehendys.

Hag ev owth omgusulya an MBE, Mester Billinge a leveris: “Tegys dres musur ov bos dhymm MBE. Nyns ov vy worthi.

“Pan a’n kyv, ny vydh ev ragov, y fydh rag dew warn ugens mil, peswar kans dew ha dewgens a bolatys ledhys dhe dhydh-D.

Henn yw an poynt. Y fedha tus varthys, nebes anedha hwetek bloodh yn unnik.

“Ass o difeyth a vewnans, euthyk .” yn-medh.

A D-Day veteran, who raised more than £25,000 towards the cost of building a national memorial honouring his fallen comrades, has been appointed MBE.

Harry Billinge, 94, said he would accept the honour to recognise the 22,442 service personnel killed on D-Day and during the battle for Normandy.

Mr Billinge, from St Austell, Cornwall, was 18 when he landed on Gold Beach on June 6, 1944.

He said he was “highly overwhelmed” by the honour.

In June 2019 he travelled to Normandy t mark the 75th anniversary of the D-Day landings.

He went to see the unveiling of the first foundation stones of a memorial to remember those who served in the British forces during the war.

On the anniversary he movingly told BBC Breakfast he was not a hero.

“Don’t thank me and don’t say I am a hero,” he said.

“All the heroes are dead and I will never forget them as long as I live.”

Mr Billinge, who holds France’s highest award, the Legion d’Honneur, has also undertaken charity work in Cornwall, including collecting for the Royal British Legion’s Poppy Appeal for 64 years.

Discussing the MBE, Mr Billings said: “I am choked beyond measure to think I have got an MBE. I don’t deserve it.

“When I get it, it won’t be for me, it will be for the 22,442 blokes killed on D-Day.

That’s what it’s all about. They were marvellous men, some just 16.

“What a waste of life, terrible.”

Yma Ollie Banks ow mires yn-rag dhe revya rag Breten Veur ha dalleth resegva RAF hevlena mes y hallsa bos y vewnans pur dhiblans.

Dhe dhalethvos diw vil hag etek, Ollie, tri bloodh warn ugens, hag yn terowel dhyworth Kernow, a veu diagnosys gans hwedh yn y vronn.

“My a dhiskudhas bothen” yn-medh Mester Banks, “ha mos dhe’n medhyk dhe weles an pyth o, ha kedhlys veuv bos dhymm hwedh,”

“Yth esa dyghtyans dhymm yntra mis Me ha mis Metheven yn diw vil ha hwetek, mes y tiskudhis vy an vothen dhe dhehweles, ytho res o dehweles rag moy.”

Bronndrogh kymyk a removyas an gwias korf nasys.

Gradhesik Pennskol Kembra Soth a dheuth ha bos onan a dri hans deg den ha peswar ugens yn Ruvaneth Unys diagnosys gans kanker bronn pub bledhen. An pyth a wrug y gas anusadow yn arbennek, y vos usadow kevys yn tus yntra tri ugens ha deg ha tri ugens aga bloodh.

Y tegemeras bronndrogh hag a veu res ‘kler oll’ yn mis Genver warlena, mes y feu res an “nowodhow yeyn euthyk” na wrello revya arta.

Revya yw tan yn y golon a dhalathas yn diw vil hag unnek, hag ev a ordenas klub revya dhe Bennskol Kembra Soth, wosa godhvos na’n jevo.

Re gesstrivyas rag Klub Revya Kastel Dore war Avon Fowi yn Kernow keffrys ha rag Kowethas RAF ha’n bennskol. Ev re gochyas keffrys para an bennskol.

Re beu dewisys dhe representya Breten Veur orth revya dhe Gesstriv Sleyneth Morek Keswlasek dhe Russi yn mis Est hevlena.

Wosa kowlwul y studhyansow yn hav eus passys, ev a dhalathas soodh bledhen y hirder avel sodhek gwriansow rag unyans studhyoryon dhe Bennskol Kembra Soth.

Dre hemma, ev a hembronkyas kaskyrgh warneth kanker henwys “Nuts, Nips and Other Bits” hag a ynni pobel dhe jeckya mars eus tra vyth anusadow war aga horfow.

Y korfen dhe galan mis Meurth, pan wra ponya Mester Banks Hanter Marathon Newport, gwiskys avel bronn.

Wosa henna y hwra dalleth resegva yn lu ayr.

Ollie Banks is looking forward to rowing for Great Britain and starting an RAF career this year, but his life could have been very different.

At the start of 2018, Ollie, 23 and originally from Cornwall, was diagnosed with a tumour in his breast.

“I found a lump and went to the doctor to see what it was, and was told I had a tumour,” Mr Banks said.

“I had treatment between May and June 2018, but then found the lump had returned so had to go back for more.”

A chemical mastectomy removed the affected tissue

The University of South Wales graduate became one of only 390 men in the United Kingdom diagnosed with breast cancer each year. What made his case particularly unusual was it is normally found in men aged 60 to 70.

He had a mastectomy and was given the all clear in January last year but was given the “devestating news” that he may not row again.

Rowing is a passion he took up in 2011, and he even set up a rowing club at the University of South Wales after finding it didn’t have one.

He has competed for the Castle Dore Rowing Club on the River Fowey in Cornwall, as well as for the RAF Association and the university. He has also coached the university team.

He has been selected to represent Great Britain at rowing at the International Contest of Seamanship in Russia in August this year.

After completing his studies last summer, he started a year long role as activities officer for the students union at the University of South Wales.

This involved leading a cancer awareness campaign called Nuts, Nips and Other Bits, which urges people to check for anything unusual on their bodies.

It finishes on 1 March when Mr Banks will run the Newport Half Marathon dressed as a breast.

He will then begin a career in the air force.

Dew alargh a diras gans bomm yn dew lowarth diblans dhe nessa warn ugens a vis Kevardhu. Diallos dhe neyja arta, i a veu sawyes gans sodhoges RSPCA Abi Kemp.

“Yn feusik nyns yns shyndys,” yn medh hi. “ytho ni a’s livras yn-nans war an dowr, rag may hallons spena Nadelik ow terneuvya a-dro warbarth yn le may kodh dhedha bos.”

An elergh o dhew a voy es seyth mil eneval gans edhom a weres a’n RSPCA dres termyn Nadelik.

A pair of swans crash landed in two different gardens on 22 December. Unable to take off again, they were rescued by RSPCA officer Abi Kemp.

“Luckily they weren’t injured so we released them down on to the water so they could spend Christmas paddling around together where they belong.”

The swans were two of more than seven thousand animals needing help from the RSPCA over the Christmas period.

Ha wortiwedh, yma nowodhow trist a-dro dhe esel kyns a’n para ‘An Nowodhow’. Vanessa Beeman, Bardh Meur kyns a’n Orsedh re verwis. Gwenenen o Bardh Meur a dhiw vil ha hwegh dhe dhiw vil ha naw. Hi a bresentya ynwedh an nowodhow yn Kernewek omma war BBC Radyo Kernow dres nebes bledhen.

Vanessa Beeman, a former Grand Bard of the Cornish Gorseth has died. Gwen-nen-en (Bardic name) was the Grand Bard from 2006 until 2009 and also presented the news in Cornish here on BBC Radio Cornwall for a number of years.

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys gans Julia Wass, ha genev vy, Duncan McIntosh. Bys dy’Sul nessa, dohajydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Julia Wass and by myself, Duncan McIntosh. Until next Sunday, good afternoon to you all.