26ves a vis Ebrel 2020

Dohajydh da, ha dynnargh dhe dhyllans an seythen ma 'An Nowodhow' war BBC Radyo Kernow.

Good afternoon and welcome to this week’s edition of ‘An Nowodhow’ on BBC Radio Cornwall.

Jeremy Hunt, kaderyer kessedhek a-barth yeghes ha gwith socyal, re brofyas y fia Kernow tyller da rag assaya prevyans efan an gemeneth rag batalyas orth an virus Kovid Nownsek.

Ny gevir hwath meur a gasys a’n virus yn Kernow hag yma govenek may hallo prevyansow efan a’n par ma diskwedhes fordh yn-mes a vewnans yn-dann naw alhwedh.

Malcolm Bell, pennweythresek an kowethyans tornyasek, Visit Cornwall, a worthebis y tal hwithra an tybyans ma rag ‘gweles mar pe henna possybyl’. Byttegyns, ev a geworras na dal remedi vyth ‘shyndya orth salowder anedhysi Kernow’.

Jeremy Hunt, chair of the health and social care committee, has suggested that Cornwall would be a good place to trial mass community testing to combat the Covid-19 virus.

There are not yet many cases of the virus in Cornwall and it is hoped that this kind of mass testing can show a way out from life under lockdown.

Malcolm Bell, chief executive of Visit Cornwall replied that the idea should be examined to ‘see if it’s possible’. However, he added that no solution should ‘compromise the safety of the residents of Cornwall’.

Herwydh derivas gans Konsel Kernow, hwath ygor yw a-dro dhe hanter a’n skolyow yn Kernow y’n eur ma, hag ymons i ow tegemeres ogas ha mil studhyer pub dydh.

Konselores Sally Hawken, leveryades a-barth yeghes poblek ha fleghes, a leveris yth esa akademiow owth oberi gans skolyow arghesys gans an awtorita leel rag surhe fleghes oberoryon essensek keffrys ha studhyoryon erel dhe vos skoodhys dell dhegoodh.

Yma dew kans, unnek ha tri ugens a skolyow yn Kernow arghesys gans an governans ha Ms Hawken a geworras bos res lemmyn dh’aga dyskadoryon oberi yn fordhow nowydh.

Yn-medh hi, ‘Treweythyow, yma an mayni yn drehevyansow an skol hy honan ha treweythyow ymons i owth oberi yn tre. Mes ymons i oll owth assaya surhe bos asnowdhow gwiw dhe’n fleghes ha’ga herens may hallons i gul aga ober skol y’ga chi aga honan.’

According to a report by Cornwall Council, about half the schools in Cornwall are currently open and they are accepting nearly 1000 students every day.

Councillor Sally Hawken, the spokesperson for children and public health, said that academies were working with schools maintained by the local authority to ensure that the children of key workers and other students were receiving appropriate support.

There are 271 state funded schools in Cornwall and Ms Hawken added that their teachers needed to work in new ways.

She said, ‘Sometimes staff are in the actual school building and sometimes they’re working from home. But they’re all trying to ensure children and parents have the resources to do their schoolwork from home’.

Tri servis kowbal a wra degemeres arghasans dhyworth Konsel Kernow may hallons i pesya treusperthi oberoryon essensek hag eseli an servisyow goredhom.

Awos bos le a dremenysi ow kul devnydh anedha, peryllys veu an kowbal Myghtern Harry keffrys ha’n servisyow dhe Borthruwon ha Bosdinek.

An konsel a leveris y hwre ev daskavos an grontys dhyworth an governans.

Three ferry services will receive funding from Cornwall Council so that they can continue to transport key workers and members of the emergency services.

Because fewer passengers were using them, King Harry Ferry as well as the services at Polruan and Bodinnick were under threat.

The council said that it would reclaim the grants from the government.

Hevlena, dileys re beu servis rag kontrolya fara a wolanes yn Logh awos an rewlys ow tochya ombellheans socyal y’n eur ma.

Yn fenowgh, golanes a wra aga neyth war do chiow an dre ha, wosa dedhwi aga oyow, i a yll treweythyow omsettya orth an anedhysi rag difres an ydhyn yowynk.

Herwydh usadow, y hyllir pellgewsel orth an konsel may teffons ha kuntel oyow golanes argasus, mes dileys re beu an servis ma hevlena.

Mer Logh, Martin Gregory y hanow, a leveris bos an konsel gelwys dhe, martesen, dew- ugens po hanterkans chi pub bledhen. Saw, ev a geworras, awos an musurow erbynn Kovid Nownsek, na gevi an golanes meur a voos y’n dre hag i dhe dhehweles dhe’n arvor.

Byttegyns, y teuth gwarnyans dhyworth Madeleine Goumas, arbenigores golanes dhe Bennskol Garesk. Yn-medh hi, ‘Ymons i hwath ow kavos meur a voos, martesen, dhyworth atalgistyow. Y fia marth bras dhymm mar kwrussens i chanjya aga fara.’

This year, a service to control the behaviour of seagulls in Looe has been suspended because of the current rules relating to social distancing.

Often, gulls make their nests on rooftops in the town and, after laying their eggs, can sometimes attack the inhabitants to protect their young.

Usually, one can telephone the council for them to come and collect the eggs of aggressive gulls, but the service has been cancelled this year.

The Mayor of Looe, Martin Gregory, said the council was called to maybe forty or fifty houses each year. However, he added that, because of the measures against Covid-19, the gulls were not finding much food in the town and that they had gone back to the coast.

There was, however, a warning from Madeleine Goumas, a gull specialist at Exeter University. She said, ‘They are still getting a lot of food potentially from rubbish bins. I would be very surprised if they change their behaviour’.

Hag an gwenton warnan arta, yma, dell hevel, teylu a sortes, gwrys a brenn, ow tos mes aga ‘gwavgosk’ yn Truru.

Trigys yw an peswar sort war fordh a-dro Trafalgar hag a veu henwys ‘Fordh a-dro an Vledhen’ gans Kowethas Karoryon Fordhow A-Dro, mis Gwynngala eus passyes.

Dres an gwav, an sortes re omgudhsa yn-dann gudhlen a welynni ha skorennow hag a veu kemerys dhe-ves an seythen ma gans oberoryon an konsel.

Yma eseli an poblek owth omlowenhe orth aga gweles arta. Yn-medh neb unn den, ‘Hemm yw an dra an moyha yntanus ow hwarvos y’n eur ma. Mall yw genev a lewya a-dro dhe’n fordh a-dro ma arta. My a gar an sortes.’

Now that Spring is once again upon us, it seems that a family of wooden hedgehogs is coming out of hibernation in Truro.

The four hedgehogs live on the Trafalgar roundabout which was named ‘Roundabout of the Year’ by the Roundabout Appreciation Society last September.

Over the winter, the hedgehogs had covered themselves under a blanket of twigs and branches which was removed this week by council workers.

Members of the public were delighted to see them again. One man commented, ‘This is the most exciting thing happening at the moment. I can’t wait to drive around this roundabout again. I love the hedgehogs.

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Steve Harris. Bys dy’ Sul nessa, dydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written and presented by me, Steve Penhaligon. The editor was Steve Harris. Until next Sunday, good day to you all.