19ves a vis Ebrel 2020

Dohajydh da, ha dynnargh dhe dhyllans an seythen ma ‘An Nowodhow’ war BBC Radyo Kernow.

Good afternoon, and welcome to this week’s edition of An Nowodhow on BBC Radio Cornwall.

Y seweni, dell heveli, an ombellheans socyal yn Kernow, a leveris Lewydh a Yeghes Poblek yn Kernow ha Syllan, Rachel Wigglesworth hy hanow. Yn-medh hi, “Y’n gwethha prys, ni a dhesev kasow an virus ha’n mernansow dhe besya moghhe yn lent dres nebes seythenyow a dheu. Dell waytyn, ena an moghheans a wra omlevenhe ha deklinya wosa henna, drefen bos an ombellheans socyal ow seweni, dell hevel.”

Social distancing was appearing to work in Cornwall, said the Director of Public Health in Cornwall and the Isles of Scilly, Rachel Wigglesworth. She said, “We are expecting cases and, unfortunately, deaths to continue to rise slowly over the next few weeks; where we hope it will then plateau and continue to decline after that because the impact of the social distancing measures ... does appear to having an effect.”


Leow rag gonisyow gwith dynsek yniadow dres an Soth West re beu diskudhys. Diwedh mis Meurth Pennsodhek Dynsek a worhemynnis dhe braktisyow may hetthens dyghtyans kemmyn oll “bys kussul ken.” Re beu an Gonis Yeghes Kenedhlek ow kul Krespoyntys Gwith Dynsek Yniadow (UDC) rag an wodhevysi gans kudynnow dynsek yniadow, wosa komendyans a’ga fraktis teythyek. An krespoynt kernewek a vydh yn Bosvena, ha ken onan yn Aberplymm. An Krespoyntys UDC a wra dyghtya an wodhevysi ha gans arwodhyow ha heb arwodhyow a Govid-19. Res vydh dhe’n re ha nag eus dhedha medhek dens gelwel an linenweres dynsek rag Kernow, Syllan ha Dewnans.


Locations for urgent dental care services across the South West have been revealed. The chief dental officer told practices at the end of March to stop all routine treatment “until otherwise advised”. The NHS has been in the process of creating local Urgent Dental Care hubs (UDCs) for patients with emergency dental problems, after a referral from their local practice. The Cornwall hub will be in Bodmin, with another being in Plymouth. UDCs will treat patients both with and without Covid-19 symptoms. People who do not have a dentist should call the dental helpline for Cornwall, the Isles of Scilly and Devon.


Y feu leheans a hanterkans kansrann a dhaomres dres pennseythen Pask, dell dherivir. Yn arbennek, ny verkyas kameras a vir orth an daomres y’n A30 hag y’n A38 yn Kernow karavans vyth dres an dy’golyow poblek, dell leveris penngonseloryon. Yn-medh Geoff Brown, Esel Kabinet rag Treusporth dhe Gonsel Kernow, “Gogrys o yth assaya tus dos yn unn skolkya dres nos, mes ny ylsyn ni kavos dustuni myns a bris a garavans dhe entra.”


There was a 50% reduction in traffic reported over the Easter weekend. In particular, cameras monitoring traffic on the A30 and A38 in Cornwall over the bank holiday appeared not to pick up any caravans, senior councillors said. Geoff Brown Cabinet Member for Transport, Cornwall Council said, “There was suspicion that people would try to sneak in overnight, but we could find no evidence of any significant number of caravans coming in.”


Gool Hobihors Lannwedhenek re beu dileys an vledhen ma. Yn normal, solempnyes yw Kalan Me dres an jydh oll. Dy’golyow erel re beu dileys ynwedh, y’ga mysk Dydh Feri yn Hellys, Dydh Trevithick yn Kammbronn, Dydh Murdoch yn Resrudh, Golowan yn Pennsans ha Ralli Ethen Pow Sows a’n West y’n Stedhyan.


The Padstow Obby Oss festival has been cancelled this year. Normally, it is celebrated all day long on 1st May. Other celebrations have also been cancelled, including Flora Day in Helston, Trevithick Day in Camborne, Murdoch Day in Redruth, Golowan in Penzance and the West of England Steam Rally at Stithians.


Tus a-dreus dhe Gernow oll yw pysys na enowsons lugern-ebron gis-Chinek rag skoodhya an Gonis Yeghes Kenedhlek ha’n weythoryon essensek. Gonis Tan ha Sawyans Kernow a dweetyas ev dhe gussulya an dus a “avoydya an maner ma dhe dhiskwedhes agas skoodhyans.” Sodhogyon Sawder Tan a leveris ynwedh flammow noth a’n par na dhe “gawsya tanyow pan yw edhom dhyn fetha Covid-19.” I a leveris arta bos res dhe dus astel tanyow kontrolyes war an dor. Hemm o wosa mayni a Dalvadn dhe vos gelwys dhe dansys mes a vaystri yn Talgarrek.


People across Cornwall are being asked not to set off Chinese-style sky lanterns in support of the NHS and key workers. Cornwall Fire and Rescue Service tweeted that it strongly advised anyone should “avoid this way of showing your support”. Fire safety officers also said such naked flames “will lead to fires at a time when we are all focused on defeating Covid-19”. They also said again that people should stop all controlled burns on land. This was after a crew from Tolvaddon was called to an out of control bonfire in Tuckingmill.

Yth esowgh hwi ow koslowes orth “An Nowodhow” war BBC Radyo Kernow. An dowlen an seythen ma a veu skrifys ha presentys genev vy, Wella Morris. An pennskrifer o John Prowse.

Kyns gorfenna, my a vynsa ri trubyt dhe’n den a via ow fennskrifer hedhyw. John Parker, a verwis a-dhiwedhes, o den jentyl, dyskador kuv ha pupprys bodhek dhe vires orth puptra pynag a skriffen ni. Skrifer a vri o a’gan yeth, hag ev a bresentya an dowlen ma y’n termyn usi passyes.

Bys dy’Sul nessa, dydh da dhywgh hwi oll.


You’ve been listening to An Nowodhow on BBC Radio Cornwall. This week’s script was written by me, Wella Morris. The editor was John Prowse.

Before finishing, I would like to pay tribute to the man who would have been my editor today. John Parker, who died recently, was a gentle man, a kind teacher and always willing to look over anything we’d write. He was also an important writer of our language, and presented this program in the past.

Until next Sunday, good day to you all.