12ves a vis Ebrel 2020

Dohajydh da, ha dynnargh dhe dhyllans an seythen ma 'An Nowodhow' war BBC Radyo Kernow.

Good afternoon and welcome to this week’s edition of ‘An Nowodhow’ on BBC Radio Cornwall.

Klavji kemeneth Hellys re dheuth ha bos kresen arbennek rag gwith fin vewnans rag godhevysi koronavirus, y teklaryas an Gonis Yeghes Kenedhlek hag an kynsa person a veu dhegemerys a-berth y’n klavji an seythen eus passys.

Kresen shyndyansow le sevur dhe’n klavji a veu deges.

Mars eus edhom dhe nebonan kavos dyghtyans rag shyndyans le sevur y hyllir mos po dhe’n klavji kemeneth Kammbronn/Resrudh, po dhe’n klavji kemeneth Aberfala. An dhew glavji ma yw ygor dhyworth eth eur myttinweyth bys dhe eth eur gorthugherweyth.


Helston Community Hospital has become a dedicated end-of-life care unit for coronavirus patients, the NHS have announced and the first person was admitted to the palliative care unit on Thursday.

The hospital's minor injuries unit has been closed.

Anyone who requires treatment for minor injuries can go to either Camborne/Redruth Community Hospital, or Falmouth Community Hospital. These two hospitals are open from 08:00 to 20:00.


Gweythva jynevra Gernewek a lesrannas kans liter a jell yeghesek rag leuvyow heb kost. I a vynn skoodhya servisyow yeghes ha goredhom.

Gweythva jynevra Tarquins, dhyworth Lannwedhenek, a janjyas hy askorrans dhyworth jynevra rag gweres gweythoryon yeghes ha goredhom dhe lanhe aga diwleuv pan nag yw sebon kavadow.

An askorras karth a vydh lesrynnys dhe glavjiow kemeneth a-dro dhe Gernow, dhe withvaow boos ha dhe Greslu Kernow ha Dewnens ynwedh.

Perghennek an kowethyans, Tarquin Leadbetter y hanow, a leveris an weythva dhe janjya hy askorrans dhe wul an jell awos gorholeth meur dhyworth an poblek.

“Ow broder kottha yw medhek gans an Gonis Yeghes Kenedhlek, ha gothus ov y hyllyn gweres” yn-medh Mester Leadbetter.


A Cornish gin distillery has distributed 100 litres of hand sanitiser free of charge. They want to support health and emergency services.

Tarquin's Gin distillery, from Padstow, changed its production from gin in order to help health and emergency workers to clean their hands when no soap is available.

The cleaning product will be distributed to community hospitals around Cornwall, as well as foodbanks and Devon & Cornwall Police.

Company owner Tarquin Leadbetter said the distillery had moved into making sanitiser to help the community after significant demand from the public.

Mr Leadbetter said: "My older brother is a doctor with the NHS, and I’m so proud we are able to help.”


Tus rann-termyn, dhyworth an ayrlu a selyas tylda dyghtyans amal fordh dhe gresen yeghes yn Kernow. Hemm a wra gasa godhevysi woliadow dhe finwetha aga feryl dhe govid-19.

Bodhogyon dhyworth parsel ayr Wessex pymp kans ha pymp a dhrehevis medhegva anbarghus dhe gresen yagh Tewynblustri. Y hyll godhevysi gortos y’ga harr hag i dhe vos hwithrys gans mayni vedhegvael.

Y leveris Doktour Rutesh Patel an isframweyth dhe vos a res rag gwitha godhevysi woliadow, yn arbennek tus moy ages deg bloodh ha tri ugens, po gans resyasow golon avrewlys, po neb a gemmer medhegneth rag tanowhe aga goos.

“Hag i ow lewya aga harr y’n tylda, triga y’ga herri ha gorra aga leuvyow yn-mes an fenestri rag kavos prov brosa bys, i a wra finwetha aga thermyn diglos ha peryl” yn-medh Dr Patel.

Ledyer parsel ayr David Mann a leveris yma “assay bras” rag tus kasorek rann-termyn dhe ri gweres kenedhlek hag y’n gemeneth.

“Ni a hwila kavos bys dhe dri mil dus rann-termyn a-dreus dhe’n forsow kasorek ow kweres gans oberow formel” yn-medh ev.

“Mes pan vo possybl, ni a allo gweres agan kentrevogyon y’n gemeneth ynwedh.”


RAF reservists have set up a drive-in treatment tent at a health centre in Cornwall. This will allow vulnerable patients to limit their exposure to Covid-19.

Volunteers from 505 Wessex Squadron built the temporary clinic at Newquay Health Centre. It allows patients to remain in their cars while being checked by medical staff.

Dr Rutesh Patel said the facilities are vital for protecting vulnerable patients, particularly those who are over-70, or with irregular heart rhythms or on blood-thinning medication.

“While they drive in, stay in their cars and pop their hand out of the window to have this finger prick blood test, they will be limiting their exposure and risk."

Sqn Ldr David Mann said there was a "major drive" for military reservists to provide national and community assistance.

He said: "We're looking at mobilising up to 3,000 reservists across the armed forces to help with formal taskings.

"But where if possible as well we can help our neighbours in the local community."


Den dhyworth Tresillian, John Jackson y hanow, a dhallathas oberi gans Tesco yn Truru, unn mis wosa ev dhe gelli y oberen gans Flybe, pan dhiskaras an ayrlinen.

Mester Jackson, hwegh bloodh ha tri ugens, a oberas gans an ayrlu dres deg bledhen warn ugens kyns ev dhe oberi avel ynjynor rag ayrlinennow kenwerthel.

An seythen eus passys ev a dhallathas y ober nowydh gans Tesco.

Gwreg Mester Jackson, Maria hy hanow, a ober gans an Gonis Yeghes Kenedhlek. Y leveris ev dhe vos gothus a’n pyth a wra y deylu dres an pandemek. Ev a braysyas mayni an gorvarghas ynwedh.

Mester Jackson a leveris an ober dhe vos da ganso, mes ny wrug ev nevra dismygi ev dhe wul an ober ma. Yth esa meur a dhyski.

“Heb oberi a-dryv rekenva, ny verkir py lies rann a degodh dhis aga honvedhes, dhe wul puptra mos yn es. Dell leverons, my a wra fest yn ta, ytho lowen ov gans henna.”


A man from Tresillian called John Jackson has begun working at Tesco in Truro one month after losing his job with the Flybe, when the airline collapsed.

Mr Jackson, 66, spent three decades in the Royal Air Force before working as an engineer for commercial airlines.

Last week, he started his new job with Tesco.

Mr Jackson’s wife, Maria, works for the NHS. He said he was proud of what his family was doing in the pandemic. He also praised the supermarket's staff.

Mr Jackson said he was enjoying the job but it was not something he had ever imagined doing. There has been quite a lot to learn.

"Without working behind a till you don't realise how many different parts of it you need to know to make everything go smoothly. They're saying I am doing great so I am happy with that."


Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys gans Kensa Broadhurst, ha presentys genev vy Steve Penhaligon. An pennskrifer o Steve Harris. Bys dy’ Sul nessa, dydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Kensa Broadhurst and presented by me, Steve Penhaligon. The editor was Steve Harris. Until next Sunday, good day to you all.