30 mis Metheven 2019

Dydh da, ha dynnargh dhe² dhyllans a’n seythen ma ‘An Nowodhow’ war BBC Radyo Kernow.

Hello and welcome to this week’s edition of ‘An Nowodhow’ on BBC Radio Cornwall.

Den re omdhiskwedhas yn lys, cherjys rag kevres a fugwodrosow tanbellen gwrys erbynn skolyow, Chiow an Senedh ha’n Super Bowl.

Andreas Dowling, tri bloodh warn ugens yw kuhudhys a ugens fugwodros tanbellen y’n Ruvaneth Unys, deg yn Statys Unys hag onan yn Kanada yntra diwvil ha peswardhek ha hwetek.

Ny entras Mester Dowling, dhyworth Terras Carew, Pentorr, pledyansow vyth dhe Lys Justisyow Karesk.

Synsys veu va yn gwith, hag y⁵ hwra omdhiskwedhes yn Lys Kurun Karesk dhe bympves warn ugens a vis Gortheren.

Cherjys veu keffrys gans unn² weyth a ynnians lesrannans imach lewd a flogh.

An charjys y’n Ruvaneth Unys yw a-dro dhe fugwodrosow tanbellen erbynn skolyow dres Pow Sows ha Chiow an Senedh, gwrys yntra nownsegves a² vis Genver hag etegves a² vis Hwevrer diw² vil ha hwetek.

Kuhudhys keffrys yw Mester Dowling a² wul wodrosow dhe skolyow hag asrannow kreslu yn Statys Unys, an Super Bowl, ha skol Kanadek yntra degves a² vis Hedra diw² vil ha peswardhek ha kalann Hwevrer diw² vil ha pymthek.

A man has appeared in court charged with a series of hoax bomb threats made to schools, the Houses of Parliament and the Super Bowl.

Andreas Dowling, 23, is accused of 20 bomb hoaxes in the UK, 10 in the US and one in Canada between 2014 and 2016.

Mr Dowling, of Carew Terrace, Torpoint in Cornwall, did not enter any pleas at Exeter Magistrates' Court.

He was remanded in custody and will appear at Exeter Crown Court on 25 July.

He was also charged with one count of encouraging the distribution of an indecent image of a child.

The charges in the UK concern alleged hoax bomb threats to schools across England and the Houses of Parliament made between 19 January and 8 February 2016.

Mr Dowling is also accused of making threats to US schools and police departments, the Super Bowl and a Canadian school between 10 October 2014 and 1 February 2015.

An² venyn, neb a² verwis yn droglam dew² garr ogas dhe² Grows Chiverton, re² beu henwys avel Michele Dickens, tri ugens bloodh, dhyworth Resrudh.

Y hwarva an kesskwattyans war an fordh B-tri-dew-seyth-seyth a-dro dhe hanter wosa onan eur dohajydhweyth dy’Lun.

An² venyn, neb esa ow lewya Vauxhall Astra a² veu prononsys marow dhe’n² wel.

Lewyer an karr aral, den, nownsek bloodh ha dewgens y oos, dhyworth Doncaster a² wodhevis shyndyans sevur orth y² arr hag yth usi ow⁴ pos dyghtys yn klavji yn Aberplym. Y⁵ feu y drethyas, den leel, hanterkans y oos, dyghtys dhe² Glavji Kernow Riel ogas dhe² Druru, rag goliow minor.

Sodhogyon a² dhegeas an fordh yntra Sevenmilestone ha Krows Chiverton dres seyth eur rag hwithrans.

Kreslu re² elwis rag dustunioryon.

The woman who died in a two-car crash near Chiverton Cross in Cornwall, has been named as Michele Dickens, a 60 year old from Redruth.

The collision happened on the B3277 at about 13.30 on Monday.

The woman, who was driving a Vauxhall astra, was pronounced dead at the scene.

The driver of the other vehicle, a 59 year old man from Doncaster, sustained a serious leg injury and is being treated in hospital in Plymouth. His passenger, a 50 year old local man, was treated at the Royal Cornwall Hospital near Truro for minor injuries.

Officers closed the road between Sevenmilestone and Chiverton Cross for seven hours for an investigation.

Police have appealed for witnesses.

Ny² vydh dres charjys rag an mernans a² venyn neb a² veu hodys yn gool Kala’ Me, dell lever kreslu.

Laura Smallwood, peswardhek bloodh warn ugens, a² dhiskaras gans goli konna dres solempnyansow bledhynnyek Penn Glas yn Lannwedhennek ha merwel tri dydh a-wosa.

Kreslu Kernow ha Dewnens a hwithras derivasow a leveris y⁵ fo hi frappys gans gwiskas Penn Glas dres an hwarvos, po y fo⁵ hi assaltys.

An lu re ros an mernans dhe’n kuruner.

Hi a² borthas goli konna, hag a² veu kevys anworthebus dhe’n gool a-dro dhe hanter wosa seyth gorthuwerweyth, Kala’ Me. Ayrlyftys ²veu hi dhe² glavji yn studh troboyntel mes fast, mes y⁵ ferwis diwettha.

An dallathvos poran a’n solempnyans Penn Glas, kansvledhynnyow y oos, yw anaswonnys, mes y prederir y² halsa bos kelmys orth hen gool Keltek, Beltan.

Dres an hwarvos, dew² wiskas Penn Glas, po ‘obby oss’ - yw gwiskys gans nebes tus hag yw degys yn keskerdh dres a’n² dre, keveylys gans donsyoryon, tabouryow ha karjelyow.

An kreslu a hwithras derivasow y⁵ fo hi gweskys gans an Penn Glas blou y snod, hag a² viras orth derivasow y⁵ fo hi assaltys gans benyn a-varra y’n gorthewer.

An kreslu a leveris re “ervirsa sodhogyon na² vedha charjys dres erbynn person vyth kelmys orth mernans Laura”.

War yw teylu Laura a’n ervirans ma, hag re obersons yn ogas gans helerghysi dres an hwithrans,” y keworras.

No charges are to be brought over the death of a woman injured in a May Day festival, police say.

Laura Smallwood, 34, collapsed with a neck injury during the annual Obby Oss celebrations in Padstow and died three days later.

Devon and Cornwall Police investigated reports which said she may have been hit by a hobby horse costume during the event, or that she may have been assaulted.

The force has now referred the death to the coroner.

She suffered a neck injury and was found unresponsive at the festival at about 19:30 BST on 1 May. She was airlifted to hospital in a critical but stable condition but later died.

The exact origin of the centuries-old Obby Oss celebration is unknown but it is thought it could be connected with the ancient Celtic festival of Beltane.

During the event, two hobby horse - or obby oss - costumes are worn by a number of people and paraded through the town, accompanied by dancers, drums and accordions.

Police investigated reports she may have been hit by the blue ribbon oss and looked into claims she may have been assaulted by a woman earlier that evening.

The force said officers had "decided that there would be no criminal charges brought against any person linked to Laura's death".

"Laura's family are aware of this decision and have worked closely with detectives throughout the investigation," it added.

Re² dhallathas ober war an ynstallyans a² bons peswar milvil beuns dhe² Gastel Dintagel a’n gansvledhen dhredhegves.

Deg meter ha tri ugens y hirder, an pons re² beu rynnys yn dewdhek tregh diberth, an pyth a² vydh drehevys ha desedhys gans garan-fun.

Ertach Pow Sows a lever y⁵ hwra an pons daswul an² dreusva istorek ynter an tir meur ha’n enys.

Tre war² Venydh a² waynyas gerda liennek pan veu² henwys avel an le may⁵ feu omdegys Myghtern Arthur gans Geoffrey a Monmouth.

An kastel a dhynnergh a-dro dhe² dhew kans deg ha dewgens mil a² wodriger pub² vledhen.

An pons re beu arghesys gans Ertach Pow Sows, donesonow dhyworth an² bobel ha doneson privedh a² dhew poynt pymp milvil peuns.

Yth yw gwrys a² dhew² geber² valek hag y⁵ fydh ynstallys heb skoodhow framweythel stagys po sevys yn rydh.

Y’ga le, y⁵ hwra garan-fun droppya yn le pub dewdhek tregh ragdrehevys a’n² bons.

Kastel Dintagel yw deges dhe’n² bobel dres drehevyans a’n² bons hag y⁵ fydh parys dhe² dhasygeri yn hav.

Work has started on the installation of a £4m bridge at the 13th century Tintagel Castle in Cornwall.

Spanning 70m, the bridge has been divided into 12 separate sections which will each be lifted into place by a cable crane.

English Heritage says the bridge will recreate the historic crossing between the mainland and island.

Tintagel gained literary fame when Geoffrey of Monmouth named it as the place where king Arthur was conceived.

The castle welcomes about £250,000 visitors each year.

The bridge has been funded by English Heritage, donations from the public and a £2.5m private donation.

It is made from two cantilevers and will be installed without scaffolding or free standing supports.

Instead, a cable crane will drop each of the twelve pre-fabricated sections of the bridge into place.

Tintagel Castle is closed to the public throughout the construction of the bridge and is set to reopen in the summer.

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a² veu skrifys gans Julia Wass, ha genev vy, Duncan McIntosh. Bys dy’Sul nessa, dohajydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Julia Wass and by myself, Duncan McIntosh. Until next Sunday, good afternoon to you all.