23 mis Metheven 2019

Dydh da, ha dynnargh dhe² dhyllans a’n seythen ma ‘An Nowodhow’ war BBC Radyo Kernow.

Hello and welcome to this week’s edition of ‘An Nowodhow’ on BBC Radio Cornwall.

Dewdhegow a² bluwow yn Pow Sows re² dhobylyas aga reknow toll an penn, ha nebes ow rakkemeres servisyow ha na² yll awtoritas brassa affordya, dell leverons i.

A-dro dhe etek milvil a² dus a² drig yn pluwow hag yth yw res dhedha pe kentel war aga³ tholl an penn, ha konselyow pluw ow pesi rag pymp kans, peswardhek ha dewgens milvil a² beunsow yn diw² vil ha nownsek dhe² dhewgens.

Re² welas awtoritas leel yn Pow Sows aga arghasans dhe² godha a-dhia² dhiw² vil ha deg, hag ynkressyansow toll an penn re² beu finwethys, mes nyns eus an kethsam fronansow war ynkressyansow pluw.

Yma a-dro dhe² dheg milvil a² gonselyow pluw yn Pow Sows, herwydh Kowethyans Kenedhlek a² Gonselyow Leel.

I a² brovio, mentena po kevrolla dhe servisyow kepar ha pastellow-dir, termyn syger, kyttrinvaow, arghow stroll, parkow kerri, golewderyow leel, kresennow kemeneth, parkow ha spasow apert, privedhyow poblek, glanheans stret, hynsyow diwros ha towlennans.

Yma dew² gonsel pluw yn Kernow yn mysk a’n pymp gwartha gans ynkressyans toll an penn an brassa yn Pow Sows, herwydh dielvennans BBC.

Konselyow Essa hag Aberfala a lever aga bos owth ynkressya toll an penn dhe² weres pe rag servisyow mayth o res dhedha rakkemeres dhyworth awtoritas brassa gans kudynnow mona.

Re ynkressyas Konsel an² Dre Essa y rann a’n reken orth seytek peuns ha tri ugens – lamm a² dri ugens kansran ha riw an nessa brassa yn Pow Sows.

An mer a lever bos an ynkressyans dhe² dhaslenwel kreunyow hag arghasa servisyow hag a² veu treusworrys dhyworth Konsel Kernow, kepar ha privedhyow poblek ha’n lyverva.

An governans a leveris bos konselyow omgemeryek rag erviransow aga honan a-dro dhe bygemmys dhe² jarjya.

Dozens of parishes in England have doubled their council tax bills, while some are taking on services they say larger authorities cannot afford.

About 18 million people live in parishes and have to pay a precept on their council tax, with parish councils asking for 554m in 2019-20.

Local authorities in England have seen their funding fall since 2010, while council tax increases have been capped, but parish increases do not have the same restrictions.

There are about 10,000 parish councils in England, according to the National Association of Local Councils.

They may provide, maintain or contribute to services such as allotments, leisure, bus shelters, litter bins, car parks, local illuminations, community centres, parks and open spaces, public toilets, street cleaning, cycle paths and planning.

Two parish councils in Cornwall are among the top five for the biggest council tax increases in England, according to BBC analysis.

Saltash and Falmouth councils say they are raising council tax to help pay for services they’ve had to take on from bigger, cash-strapped authorities.

Saltash Town Council has raised its share of the bill by £77 – a hike of 60% and the second biggest rise in England.

The mayor says the increase is to replenish reserves and fund services transferred from Cornwall Council, such as public toilets and the library.

The government said councils were responsible for their own decisions about how much to charge.

Y⁵ haller movya rann a’n linen hyns horn hag a² jun Kernow orth remenent an pow y’n mor dh’y² witha rag an hager-awel.

Rann a’n linen chif ogas dhe Dawlish yn Dewnens a² dhiskaras hag a² veu golghys y’n mor dres tewedhow yn mis Hwevrer diw² vil ha peswardhek.

An rann a’n hyns horn a² veu ewnys mes a-dhia nena re ombrovas gostydh dhe liva, hag re² wrug servisyow dhe² vos astelys lieskweyth.

Ober dhe iselhe an² vorfos dhe Dawlish re² dhalathas seulabrys, mes yma Network Rail ow mires keffrys orth methodys dhe² dhifres an linen yntra Holcombe ha Teignmouth.

Y leveris bos komprehendys yn difresans an hyns horn, unn mildir poynt onan y hys, y² vovya pella dhyworth rannow an alsyow diantel.

Y keworras bos hemma “an brassa peryl” hag an profyansow dhe² “dhifres an hyns horn rag henedhow a² dheu”.

Network Rail a leveris bos dhe’n desin edhom a nebes daskavos tir rag may fo drehevys skoodhell - drehevyans ledrek a² garrek dhe fasthe alsyow ha difres an hyns horn.

Y keworras bos edhom ynwedh a² vorfos wellhes dhe² “vedhelhe nerth an² donnow” dhe² dhifres mar⁴ pe mevys dhe-ves dhyworth an alsyow.

Yma komprehendys ynwedh y’n profyansow hedhas gwellhes termyn sygher, hynsow kerdhes ha diwrosa, hag arenebedhow nowydh dhe les, rag may “pessyo devnydhyoryon treth enjoya an spas ha’n gologow”.

Yma keskusulyans poblek ow pesya bys yn pymthegves a² vis Gortheren.

Part of the main rail line which connects Cornwall to the rest of the country, could be moved out to sea to protect it from the weather.

A section of the main line near Dawlish in Devon collapsed and was washed into the sea during storms in February 2014.

The section of track was repaired but since then has proved susceptible to flooding, forcing services to be suspended on multiple occasions.

Work to raise the sea wall at Dawlish has already started but Network Rail is also looking at ways to protect the line between Holcombe and Teignmouth.

It said protecting the 1.1 mile stretch of railway included moving it away from sections of unstable cliffs.

It said these posed the "greatest hazard" and the proposals would "protect the railway for generations to come".

Network Rail said the design would require some land reclamation to allow a buttress - a sloping rock structure to stabilise cliffs and protect the railway - to be built.

It added that an enhanced sea wall was also needed to "absorb the energy of the waves" to protect the realigned railway if relocated away from the cliffs.

The proposals also include enhanced leisure access, cycling and walking routes and new amenity areas so that beach users "continue to enjoy the space and views".

A public consultation on the plans is running until 15 July.

Versyon kledh a Ragdres Eden a² alsa ygeri kyns gwenton diw² vil tri warn ugens, chifys re leveris.

Ragdres Eden yn Kernow re’n jeva moy es unn milvil warn ugens a² wodrigoryon, a-ban ygeris yn diw² vil hag onan, ha herwydh Kowethas Tennvosow Godrigoryon ow Ledya, re’n jeva moy es unn milvil a² wodrigoryon warlena.

Towlow rag tennvos nowydh, war² vorrep Baya Morcambe, re beu res dhe² Gonsel Cita Lancaster. Mars yw komendys, an alusen a² wayt dhe² dhalleth ober war an displegyans a² bymp ha peswar ugens milvil a² beunsow kyns² vledhen a² dheu.

An desin a omdhiskwedh pymp krommdo kowrek mesklen aga roth hag a² vydh drehevys war dyller poll-neuvya kyns.

Si Bellamy, chif Ragdres Eden Keswlasek a leveris y⁵ fia martesen ‘diw² vledhen ha tamm” dhe² dhrehevel, hag y ygorsa an tyller martesen yn diw² vil tri warn ugens.

A northern version of the Eden Project could open by spring 2023, bosses have said.

The Eden Project in Cornwall has had more than 21m visitors since it opened in 2001, and according to the Association of Leading Visitor Attractions had more than 1m visitors last year.

Plans for the new attraction, on Morcambe Bay’s seafront have been submitted to Lancaster City Council. If approved, the Eden Project charity hopes to start work on the £85 million development by next year.

The design features five giant mussel shaped domes which will be built on the site of a former swimming pool.

Si Bellamy, head of Eden Project International, said it would probably be a "two-and-a-bit-year build" and that the site would open potentially 2023.

An² Vorladron² Gernewek re sinas penn tynn Kembra keswlasek kyns, Craig Mitchell, tredhek bloodh warn ugens, dre² gevambos diw² vledhen.

Mitchell, prop kyns rag Swansea, Karesk, Blous Kardydh, ha Dragones Newport Gwent - yw an nessa sinans gans an² Vorladron an seythen ma - ha’ga³ feswara a-ban² gemeras charj Chris Stirling.

“Craig yw prop penn tynn pur eksperyansys,” yn medh Stirling.

“Den a² wrians ha geryow boghes yw, mes pan² gews, tus a² woslow. Gordhys yn⁵ feur ywa.

Cornish Pirates have signed former Wales international tight-head Craig Mitchell, 33, on a two-year contract.

Mitchell, formerly prop for Swansea, Exeter, Cardiff Blues and Newport Gwent Dragons, is the second signing made by Pirates this week - and their fourth since Chris Stirling took charge.

"Craig is a very experienced tight-head prop," said Stirling.

"He is a man of action and few words but when he speaks people listen. He is greatly respected."

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a² veu skrifys gans Julia Wass, ha genev vy, Duncan McIntosh. Bys dy’Sul nessa, dohajydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Julia Wass and by myself, Duncan McIntosh. Until next Sunday, good afternoon to you all.