26ves a vis Me 2019

Dydh da, ha dynnargh dhe² dhyllans a’n seythen ma ‘An Nowodhow’ war BBC Radyo Kernow.

Hello and welcome to this week’s edition of ‘An Nowodhow’ on BBC Radio Cornwall.

Gweythor gwith kyns re heryas manerji wosa prov DNA a² brovias y² vos er dhe stat powdir.

Jordan Adlard Rogers, unnek bloodh warn ugens, a² dhiskudhas bos y² das Charles Rogers wosa y² vernans yn diw² vil hag etek, dell² dherivas Cornwall Live.

Re² drigsas teylu Mester Rogers yn stat Penrose, mil pymp kans hwetek erow warn ugens y² vraster, yntra Hellys ha Porthleven dres henedhow.

An teylu a ros an stat dhe’n Trest Kenedhlek yn mil naw kans peswardhek ha tri ugens, yn keschanj rag gobrenans a² vil² vledhen dhe² driga ena.

Mester Adlard Rogers a leveris y hwodhya a-ban o va eth bloodh y² vos possybyl bos Mester Rogers y² das, hag y⁵ hwrug nebes assays heb sewena dhe² wul prov DNA.

Ev a leveris wosa y² das dhe² verwel, y⁵ hyllis wortiwedh kowlwul an prov.

Y hyllir gweles an hevelepter apert yntra an dew² dhen yn skeusen a Charles Rogers pan o yowynka.

Govynadow a² glewas y spenas Mester Rogers dewgens bledhen ow triga avel stoffki hag ankar, kyns merwel yn y garr wosa gordhogen a fug heroin.

Broder Charles Rogers re beu lewyader yn Lu Ayr Riel hag y² das leftenent yn Lu Lestri Riel, ytho yth esa dhodho “eskisyow bras dhe lenwel”, a leveris Mester Adlard Rogers.

“Yth esa gwaytyans meur warnodho yn y² dhyghtya, mes dyffrans o va ha spyrys rydh.”

Y⁵ hwra arghans an stat dre gevarghowyow yn stockys ha kevrennow ha dre wobrena rannow a² dir dhe² diogyon deythyek.

Mester Adlard Rogers a leveris dhe Cornwall Live, y tevis ev ordena alusen dhe² weres pobel yn Porthleven ha Hellys, dre y rychys kevys nowydh.

“Pobel a lever ow bos feusik, mes my a² wrussa kenwertha pypynag rag mos a-dhelergh ha rag Charles dhe wodhvos ow bos y² vab,” y leveris.

“Martesen dhana y⁵ hwrussa kavos ken fordh.”

A former care worker has inherited a manor house after a DNA test proved he was the heir to a country estate.

Jordan Adlard Rogers, 31, found out his father was Charles Rogers after his death in 2018, Cornwall Live reported.

Mr Rogers' family had lived in the 1,536-acre Penrose Estate between Helston and Porthleven for generations.

The family gifted the estate to the National Trust in 1974 in exchange for a 1,000-year lease to live there.

Mr Adlard Rogers said he knew from the age of eight that Mr Rogers may be his father and made several unsuccessful attempts to get a DNA test done.

He said after his father died he was finally able to get the test completed.

The striking resemblance between the pair can be seen clearly in a photograph of Charles Rogers when he was younger.

An inquest heard Mr Rogers spent 40 years living as a drug addict and a recluse before dying in his car following an overdose on a heroin substitute.

Charles Rogers' brother had been a pilot with the RAF and his dad a lieutenant commander in the Royal Navy, "so he had big shoes to fill", Mr Adlard Rogers said.

"He was under huge pressure taking it on, but he was different and a free spirit."

The estate makes money from investments in stocks and shares and renting a number of parcels of land to local farmers.

Mr Adlard Rogers told Cornwall Live he plans to set up a charity to help people in nearby Porthleven and Helston with his new-found wealth.

"People say I'm lucky but I would trade anything to be able to go back and for Charles to know I was his son," he said.

"Maybe then he would have taken a different path."

Gweythores puskes re² dheuth ha bos an² venyn² gynsa dhe² gavos lytherow kresys an ughella y’n kenwerth.

Elaine Lorys, dhyworth Lulynn, yn Kernow, yw an person tredhegves y’n Ruvaneth Unys dhe² dhos ha bos mester gweythor puskes destys.

Savon Mester Gweythor Puskes a aswon “kothter galwesik” hag “omrians gwir dhe² werth pysk ha dhe² dermyn a² dheu a’gan keynvoryow.

An arbenigores pysk a leveris hi dhe² vos “gothus ha pur lowen bos Mester Gweythor Puskes unnik soth a Brystow”.

Mestres Lorys a leveris: “Yma edhom dhywgh godhvos bras a-dro dhe² buptra yn kever an kenwerth pysk ha’n sostenadewder anodho.

“Ynwedh, methodys a² dharbari pysk, servis prener ha godhvos bras a-dro dhe² buptra yn kever puskes dre² vras.”

Mestres Lorys a² veu henwys gans dyghtyer kowethyans pysk W Stevenson and Sons ha hi re oberis yn gwerthji kethsam, a-dhia an² jydh mayth o ygerys, nans yw teyr bledhen hag ugens.

An argerdh a omvyskas kowlwul steusow warlinnen, apposyans dew eur ha danvon gwydhyowyow a² bymthek deknek dyffrans darbari pysk.

Hi a leveris: “Ev re² janjys yn feur, gans klosrivow ha kudynnow dyffrans rag pyskadoryon.

“Yma moy a dus ow⁴ tybri pysk kro lemmyn hag yth yw fest moy dhe les dhedha y’n devedhyans a le may⁵ teu dhyworto.”

Yn mis Metheven warlena, y feu⁵ an kynsa deg den dhe² waynya an savon, presentys gans aga³ thestskrifow gans Pennseviges Riel, yn hy oberen avel Pennwithyades a² Gowethyans Gweythoryon Buskes.

Mestres Lorys a² wra attendya solempnita dhe Hel Gweythoryon Buskes istorek, tre Gowethyans Gweythoryon Buskes yn Loundres, dhe² dressa mis Metheven, rag degemeres hy³ fiwas.

An kowethyans re beu kres rag savonow gweythoryon puskes a-dhia mil dew kans, dewdhek ha tri ugens.

Mestres Lorys a leveris: “ My a² wayt bos pysk war an rol-boos, ha da yw genev puskes oll.

Mes gwell via genev vy dres lycklod tregh kig dhe² wir.”

A fishmonger has become the first woman to obtain the highest accreditation in the industry.

Elaine Lorys from Newlyn in Cornwall is the 13th person in the UK to become a certified master fishmonger.

The Master Fishmonger Standard recognises “professional excellence” and “ a true commitment to the fish trade and to the future of our oceans”.

The fish aficionado said she was “proud and delighted to be the only master fishmonger south of Bristol”.

Mrs Lorys said: “You need a wide knowledge of everything to do with the fishing industry and the sustainability side of it.

“Also filleting methods, customer service and a broad knowledge of everything to do with fish in general.”

Mrs Lorys was nominated by the managing director of W Stevenson and Sons fish company and has worked in the same shop since the day it opened 23 years ago.

The process involved completing online courses, a two-hour exam, and submitting videos of 15 different filleting techniques.

She said: “It has changed a lot, with quotas and different problems the fishermen face.

“A lot more people are eating fresh fish now and they are much more interested in the provenance of where it comes from.”

In June last year, the first 10 men to achieve the standard were presented with their certificates by the Princess Royal, in her capacity as the Prime Warden of the Fishmongers’ Company.

Mrs Lorys will be attending a ceremony at the historic Fishmongers’ Hall, home of the Fishmongers’ Company in London, on 3rd June to receive her award.

The company has been the centre for standards of fishmongering since 1272.

Mrs Lorys said: “ I expect there will be fish on the menu, and I do like all fish.

“But I’d probably like a steak to be honest.”

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a² veu skrifys gans Duncan McIntosh ha genev vy Julia Wass. Bys dy’Sul nessa, dydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Duncan McIntosh and by myself, Julia Wass. Until next Sunday, good afternoon to you all.