an 22a a vis Kevardhu 2019

Dohajydh da, ha dynnargh dhe dhyllans an seythen ma ‘An Nowodhow’ war BBC Radyo Kernow.


Good afternoon, and welcome to this week’s edition of An Nowodhow on BBC Radio Cornwall.

Kynsa gwydh Koos rag Kernow re beu plensys.

Pennragdres yw a dowl Konsel Kernow erbynn an chanjyow ayredh, neb a veder dhe vos karbon- newtral erbynn 2030.

An konsel a vynn gwruthyl eth mil hektar (po ugens mil erow) a nenlen gwydh nowydh dres Kernow. Ynwedh i a wra movya an dus may plansons i moy a geow.

Y plensir deg milvil wedhen yn Koos rag Kernow, ragdres ughelhwansek Konsel Kernow; ha skoloryon, bodhogyon ha konseloryon a blansas an kynsa kans ha pymp a wedhennow yn Essa.

An kynsa gwedhen poran a veu plensys gans Edwina Hunnaford, esel kabinet Konsel Kernow rag an chanjyow ayredh.

Yn-medh hi dhe’n Gonis Derivas Gwerinieth Deythyek: “Ragdres ughelhwansek yw yn tevri, mes gans meur a weres kepar dell yw genen hedhyw, ni a yll plansa meur a wydh hag a geow.”

Yma an Konsel ow lonchya musurel gwydh neb a wra amontya py lies gwedhen yw plensys, ha pysi an dus a dhyllo aga assay y’n media socyal.

Yn-medh lewydh ranndiryel soth west Trest Gwedhek, Ross Kennerley y hanow, “Yma Kernow ow ledya” plansa gwydh nowydh.


The first trees in ‘Forest for Cornwall’ have been planted

It is the flagship project of the council’s climate change action plan, aiming to be carbon neutral by 2030.

The council want to create 8,000 hectares (20,000 acres) of new tree canopy all over Cornwall.

They will also be encouraging people to plant more hedgerows.

10 million trees will be planted in Forest for Cornwall, Cornwall Council’s ambitious project, and schoolchildren, volunteers and councillors planted the first 105 trees in Saltash.

Planting the very first tree was Edwina Hannaford, cabinet member for climate change at Cornwall Council.

She told the Local Democracy Reporting Service: “It is a really ambitious project but with lots of help like we have here today we will be able to plant a lot of trees and hedgerows.”

The council is launching a ‘treeometer’ which will monitor how many new trees are being planted and was asking people to post their efforts on social media.

Ross Kennerley, south west regional director of the Woodland Trust, said “Cornwall is in the lead” when it comes to planting new trees.


Nans yw bledhen, an gorhel karg russek, Kuzma Minin y hanow, eth yn stag war weli an mor ryb Treth Gilen Vas Aberfala.

Stag o dres eth our, hag ena halyes veu rag sawder bys yn Porth Aberfala, le may yw stegys hwath dhe vorverk yn Morlynn an Garrek.

Synsys veu yn uskis gans Maynorieth Vorek ha Gwithysi Alsyow, wosa bos kevys meur a wallow: y’ga mysk kudynnow a’n daffar sawder, a’n radyo hag a’n gelghvornaswydh, ha damach dh’y gogh kawsyes gans gweli an mor.

Mayni a etek den a veu danvenys tre dhe Russi wosa bos synsys an gorhel a hwetek mil tonnas. An seythen ma gesys veu hwegh difyk a’n deger myns, ha herwydh an Vaynorieth achesonyow ens i rag y brisonyans ow pesya.

Gwerthys veu mis Meurth orth kowethyans Singapourek, Compass Energy y hanow, rag tamm moy es milvil dhollar amerikanek (ogas dhe seyth kans ha tri-ugens mil a beunsow).

I a janjyas hanow an lester dhe Energy Annabelle, mes nyns ywa prederys ’vas rag an mor. Porth Aberfala a dhebis gorhel a’n braster na moy es mil beuns pub dydh.

Yn-medh an Vaynorieth, “Perghenogyon a-lemmyn an lester re dhiskleryas aga mynnas dhe remova an lester bys yn Turki rag y dewlel dhe skoll.

Ni a bes dhe geskelmi orth kannas an berghenogyon, ha bos lemmyn ow kortos kemeres derivas arhwithrans a’n ewnheansow res a’n kogh, ha’n dyllans a destskrif kemeradow a bow baner an lester.”

Dell gonvedhir, an berghenogyon re arvethas perghen teythyek a skath rag hwithra an gorhel rag sawder ha rag checkya yn fenowgh bos an ankorva diogel.


A year ago, the Russian cargo ship the Kuzma Minin grounded off Falmouth’s Gyllyngvase Beach.

It was grounded for eight hours, and was then towed for safety to Falmouth Harbour, where it is still moored to a buoy in the Carrick Roads.

The ship was quickly detained by the Maritime and Coastguard Agency (MCA), after a number of defects were found. These included issues with safety equipment, the radio and gyro compass and damage to its hull caused by the sea bed.

The crew of 18 was repatriated to Russia after the 16,000-tonne ship was detained. As of this week there remained six deficiencies on the 39-year-old bulk carrier that were grounds for its continued detention, according to the MCA.

It was sold to a Singapore-based company Compass Energy for just over US$1m (about £760,000) in March.

They changed its name to Energy Annabelle, but it is not considered seaworthy. Falmouth Harbour charges a ship of that size more than £1,000 per day.

The MCA said, “The current owners of the vessel have declared their intention to remove the vessel to Turkey for scrapping.

We are continuing to liaise with the owners’ representative and are currently waiting to receive a survey report on necessary hull repairs and issue of acceptable certification from the vessel’s flag state.”

The owners were understood to have employed a local boat owner to inspect the ship for safety and carry out regular checks that the mooring was secure.


Yth esowgh hwi ow koslowes orth “An Nowodhow” war BBC Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer. Bys dy’Sul nessa, dydh da dhywgh hwi oll.


You’ve been listening to An Nowodhow on BBC Radio Cornwall. This week’s script was written by me, Wella Morris. The editor was Steve Harris. Until next Sunday, good day to you all.