13ves a vis Hedra 2019

Dohajydh da, ha dynnargh dhe dhyllans an seythen ma ‘An Nowodhow’ war BBC Radyo Kernow.


Good afternoon, and welcome to this week’s edition of An Nowodhow on BBC Radio Cornwall.

Dy’Lun eus passyes, gonisyow goredhommek a veu gelwys dhe Lannstevan, wosa derivasow a gesskwatt yntra karr ha kerdhores yn Fordh Sen Thomas.

An kerdhores a veu dyghtys dhe’n le mes a verwis yn skon a-wosa.

Wosa kesskwattya gans an venyn, moy es tri ugens hy oos, an karr a weskis golowbren ha hedhi.

Den, ugens y oos, a veu dalghennys gans an kreslu, yn-dann wogrys a gawsya mernans dre lewyans diantel. A-wosa, ev a veu delivrys, ha govynadow pella ow kortos.


Last Monday, emergency services were called to Launceston, following reports of a collision between a car and a walker in St Thomas Road.

The walker was treated at the scene but died soon afterwards.

After colliding with the woman, who was in her sixties, the car hit a lamppost and stopped.

A 20-year-old man was arrested by the police, under suspicion of causing death by dangerous driving. Later he was freed, pending further inquiries.


Yma gwithysi alsyow yn Kernow ow pos trenys dhe wul devnydh a’n kethsam teknogow yn oberyansow hwithrans ha sawyans dell yw usys gans an kreslu.

Bys lemmyn, re wrussons i devnydh a’ga methodys aga honan rag hwilas tus res eth dhe goll.

Y’n eur ma, yma gwithysi alsyow kottha owth oberi gans an kreslu rag dyski gansa an teknogow profil diwettha (‘latest profiling techniques’). Y hwaytir hemma dhe gressya aga chonsyow a gavos tus.


Coastguards in Cornwall are being trained to make use of the same techniques in search and rescue operations as are used by the police.

Up to now, they have used their own methods to search for people who have gone missing.

Now senior coastguards are working with the police to learn the latest profiling techniques. It is hoped that this will increase their chances of finding people.


Dyghtyer Truro City, Paul Wotton, a lever y’n jeves y bara spas hwath rag gwellheans, wosa i dhe fetha Yate Town tri-mann.

Truru re beu anfethys yn Kesunyans Chif Dyghow a-dhia vis Est. Y’n eur ma, ymons i yn tressa le y’n kesunyans.

“Kevres da yw, mes bysi yw ni dhe besya gwellhe,” yn-medh Wotton.

“Dell leveris vy y’n wiskva, pur skwith yw an wesyon oll y’n pols ma. I a lavuryas fest yn tiwysyk, mes an poynt posek yw ni dhe waynya hag yma spas rag gwellheans.

“Ny wrussyn ni hedhes agan galadewder leun na hwath. Yma meur a hwel dh’y wul hwath. Mes plegadow re beu agan dalleth.”


Truro City manager Paul Wotton says his team still has room for improvement, after they beat Yate Town 3-0.

Truro have been unbeaten in the Southern Premier League since August. Currently, they are in third place in the league.

“It’s a good run, but it’s important that we continue to improve,” said Wotton.

“As I said in the changing-room, the lads are all very tired at the moment. They worked very hard, but the important point is that we won and that there is room for improvement.

“We haven’t reached our full potential yet. There’s still a lot of work to do. But our start has been pleasing.”


Lewydh Rugbi an Vorladron Gernewek, Chris Stirling, a wormelas y bara wosa i dhe fetha Nottingham gans dew boynt ha dew-ugens dhe seyth y’n Hanaf Kampyorieth. Y feu hemma aga nessa gwayn da an eyl wosa y gila: an seythen gyns, an Vorladron a fethas Yorkshire Carnegie gans eth poynt ha dew-ugens dhe vann.

Y’n gwari ma, askellor Alex O’Meara a skoryas peswar assay. Onan aral a veu skorys gans niver eth Will Wilson.

Lemmyn, yma an Vorladron yn nessa le y’ga foll Hanaf Kampyorieth.

Pes da yw Stirling a-dro dhe’n fordh may hwarias y bara y’ga fyttow hanaf. “Dres an kynsa dew-ugens mynysen dy’Gwener y hwarisyn nebes rugbi fantasiek”, a dherivas ev dhe Radyo Kernow. “Hag yth esa agan kewerder dhe’n nivel o res dhodho.”

Ev a geworras: “Pes da ov a-dro dhe’n fordh mayth usi an vebyon owth oberi, ha fatel ymons i ow skoodhya an pyth eson ni owth assaya dhe wul. Yntanus yw.”

Bys lemmyn, fyttow oll a’n Vorladron re beu gwariys a-dre, drefen ober res ow pos gwrys dhe’n Mennaye. Hedhyw i a dhalleth aga haskyrgh kesunyans dhe’n Mennaye, erbynn Ealing Trailfinders, hag yw para krev a worfennas yn nessa le y’n Kampyorieth y’n seson eus passyes. An Vorladron a worfennas yn pympes le. An seson ma, yma govenek dhedha may hworfennons yn le ughella.


The Cornish Pirates’ director of rugby, Chris Stirling, praised his team after they beat Nottingham by 42 points to 7 in the Championship Cup. This was their second good win in a row: the previous week, the Pirates beat Yorkshire Carnegie by 48 points to nil.

In this match, winger Alex O’Meara scored four tries. Another one was scored by No. 8 Will Wilson.

Now the Pirates are in second place in their Championship Cup pool.

Stirling is pleased about the way his team have played in their cup matches. “In the first 40 minutes on Friday we played some fantastic rugby,” he told Radio Cornwall. “And our accuracy was at the level it needed to be.”

He added: “I’m pleased about the way the boys are working, and how they are supporting what we’re trying to do. It’s exciting.”

Up to now, all the Pirates’ matches have been played away, because of necessary work being done at the Mennaye. Today they start their league campaign at the Mennaye, against Ealing Trailfinders, who are a strong team who finished in second place in the Championship last season. The Pirates finished in fifth place. This season, they hope they might finish in a higher position.


Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys genev vy, John Prowse, ha pennskrifys gans John Parker. Bys dy’Sul nessa, dohajydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by myself, John Prowse, and edited by John Parker. Until next Sunday, good afternoon to you all.