Dy’Sul Kala’ Gwynngala 2019

Dydh da, ha dynnargh dhe² dhyllans a’n seythen ma ‘An Nowodhow’ war BBC Radyo Kernow.

Hello and welcome to this week’s edition of ‘An Nowodhow’ on BBC Radio Cornwall.

Re beu part finek a Poldark degemerys yn tomm gans avreusysi, kyn leveris nebes pennow-bros aga bos diswaytys.

Y hworfennas dy’Lun kevres pympves ha finel a’n diskwedhyans, hag a ster Aidan Turner, hag a dhallathas yn diw vil ha pymthek.

Niver gresek a wologysi a beswar poynt onan milvil a viras orth an part yn fyw, herwydh niverow dres nos.

Y hwra an niver na yskynna pan yw ynkludys niverow kachya war-lergh. Partys kyns y’n kevres re gavas pymp poynt peswar milvil a wologysi yn sommen.

Y feu an diskwedhyans gormys gans Roisin O’Connor yn The Independent, may helwis hy daswel peder steren an diskwedhyans dhe besya. “Kyn tatthlo lies den bos prys mos rag an diskwedhyans, yth yw eghen gwari sebon Poldark an reson poran prag na via ervirans drog dhe besya,” yn-medh hi.

Emily Saner dhyworth The Guardian a leveris bos an finel “maga mordhos hoghek ha keusek gloryusek avel croque monsieur”.

Y keworras hi yn hy daswel peder steren: “An diskwedhyans re’m herdhyas bys y’m finweythow gans y omdhalgh terlemmus dhe dermyn ha linyow stori hwarthus, ha namna’m danvonas an finel dres an amal. “Byttegyns, kepar hag an pols na pan dhalghennas Dwight Enys George hag ev namna ow mos dres an als Kernewek yn part tri, i a’n kildennas. Poran.”

An part a dhegemeras ynwedh peder steren dhyworth Joe Clay yn The Times, neb a leveris an kevres “dhe vos yn-mes gans tardh”. “Yth esa gwelyow yntra Ross ha Demelza may feu diskwedhys an gymygieth varthys ynter an dhew warier,” y skrifas ev, ow keworra: “Farwel y’n eur ma, ytho, Poldark, re bewgh hwi ‘ansom da.” Yth o dasoberyansow war vedia socyal kemyskys.

The final episode of Poldark has been warmly received by critics, although some fans said they were disappointed.

The fifth and final series of the show, which stars Aidan Turner and began in 2015, drew to a close on Monday.

An average audience of 4.1 million viewers tuned in to watch the episode live, according to overnight figures.

That number will climb when catch-up figures are included. Previous episodes in the series have averaged 5.4 million viewers in total.

The show was praised by Roisin O’Connor in The Independent, whose four-star review called for it to carry on. “While many would argue it is about time the show concludes, Poldark’s soap opera nature is precisely why it would not be a poor decision to continue,” she said.

The Guardian’s Emily Saner said the finale was “as gloriously hammy and cheesy as a croque monsieur”.

In her four-star review she added: “The show has pushed me to my limits with its jumpy approach to time and ludicrous storylines, and the finale nearly sent me over the edge. “And yet, like that moment when Dwight Enys grabbed George as he was about to go over the Cornish clifftop in episode three, they pulled it back. Just.”

The episode also received four stars from Joe Clay in The Times, who said the series “went out with a bang”. “There were scenes between Ross and Demelza that showed off the superb chemistry between the actors,” he wrote, adding: “Farewell for now, then Poldark, you’ve been proper ‘ansom.” Reactions on social media were mixed.

Miroryon edhen re dhesevas an kynsa gwel afydhys a sether gell (yn Sowsnek ‘Brown Booby’) y’n Ruvaneth Unys. Miroryon a hesyas dhe Borthia dy’Lun dhe weles an edhen hag yw y vewvaow herwydh usadow Mexico ha’n Mor Karribean. Keith Jennings, neb a dennas skeusen a’n edhen mes a dreth Porth Gwydn, a leveris y vos “mir marthys”.

Kowethas Mires ha Gwith Edhen Kernow a leveris y feu krysys dhe vos an kynsa gwel yn Ruvaneth Unys.

Mester Jennings, dhyworth Gloucestershire a leveris y vos “y’n tyller ewn dhe’n prys ewn” rag an wel. Tecken hujys yw rag miroryon edhen,” y leveris.

Y keworras Mester Jennings: “My a welas dew dherivas dell veu sether gell gwelys yn Porthia, mes nag yns sur yn tien.

“My eth a-varr y’n myttin, ha kavos lies skeusen. “Tra a’n par ma a hwer unnweyth yn bewnans, omglewans marthys yw.” Mark Grantham, kaderyer an kowethas, a leveris: “Ny gevir omma sethoryon gell.”

“Yth yw onan a’n ydhyn koynt a omgavons treweythyow war du kamm a’n Atlantek. “Ha kales yns dhe weles awos y hyllons viajya kansow a vildiryow pub dydh. Dres lycklod y kavsas fenten boos da, mes gans chanj y’n awel, ny wrello gortos.”

Bird-watchers have claimed the first confirmed sighting of a brown booby in the UK. Spotters flocked to St Ives on Monday to see the bird whose more regular habitats are Mexico and the Caribbean. Keith Jennings, who photographed the bird off Porthgwidden Beach, said it was an "amazing spectacle".

Cornwall Bird Watching & Preservation Society said it was believed to be the first sighting in the UK.

Mr Jennings, from Gloucestershire, said he was "in the right place at the right time" for the sighting. "It's a massive moment for bird-watchers," he said.

Mr Jennings added: "I saw a couple of reports that a brown booby had been spotted in St Ives, but they were not 100% sure.

"I went down early in the morning and got quite a few shots. "This kind of thing only happens once in a lifetime, it's an amazing feeling." Mark Grantham, chairman of the society, said: "Brown boobies just do not belong around here.

"It is one of those strange birds that sometimes find themselves on the wrong side of the Atlantic. "And they are hard to spot because they can travel hundreds of miles in a day. "It's probably found a good food source but with a change in the weather it might not hang around."

Perghenogyon ki a wra kavos chons dhe ri aga thybyansow a-dro dhe fronansow treth yn Kernow ha Konsel Kernow ow lonchya kusulyans poblek.

Yma dhe’n awtorita eth arghadow difresyans le poblek ha dewgens, hag a sett fronansow dhe dermynyow arbennek a’n vledhen rag keun war drethow dres Kernow.

Y hwra an kusulyans pesya bys dhe nownsegves mis Du.

Dog owners will get a chance to give their opinions on beach restrictions in Cornwall as Cornwall Council launches a public consultation.

The authority currently has 48 public spaces protection orders which apply restrictions at certain times of the year for dogs on beaches across Cornwall.

The consultation is to run until 19th November.

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a veu skrifys gans Duncan McIntosh ha genev vy Julia Wass. Bys dy’Sul nessa, dydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Duncan McIntosh and by myself, Julia Wass. Until next Sunday, good afternoon to you all.