28ves a vis Gortheren 2019

Dydh da, ha dynnargh dhe² dhyllans a’n seythen ma ‘An Nowodhow’ war BBC Radyo Kernow.

Hello and welcome to this week’s edition of ‘An Nowodhow’ on BBC Radio Cornwall.

An Desedhek rag Gnas a² With re² worras yn protokolys arbennek Medhegva Morrep yn Pennsans, wosa hwithrans yn mis Me.

Tylys veu anlowr, kyn⁵ feu a bris yn hy hwithrans a² dhew² vil ha pymthek.

An derivas a² drovyas na² gowlwrussa an² vayni trenyans y’n diogeledh a² devesigyon hag a fleghes, y’n lestans ha’n maystri a² glevesans, hag yn sawder tan.

Ynwedh, klavjior, Katie Corrigan hy hanow, re bia konviktyes warlena a’n fugyans a² worhemynnow medhegel.

Yn-medh Doktour Neil Armstrong, pennkeskoweth an² Vedhegva Morrep, “An derivas a fogell orth vaters na effeyth an gwith didro a’n² wodhevysi.

Seulabrys ni re attendyas orta, hag aga ewnhe a-dhia an hwithrans.”

The Care Quality Commission has put Morrab surgery in Penzance into special measures after an inspection in May.

It was rated inadequate, despite having been outstanding at its 2015 inspection.

The report found that staff had not completed training in safeguarding adults and children, infection prevention and control and fire safety.

A nurse, Katie Corrigan, had also been convicted of forging prescriptions last year.

Dr Neil Armstrong, senior partner at Morrab surgery, said: “The report fo- cuses on issues which do not impact on direct patient care.

We have already addressed and rectified these since the inspection.”

Bagas a² drigoryon re omsettyas orth drehevel tri³ hans chi nowydh yn oryon Truru.

I a² breder na² allo teythyogyon affordya prena anedhow y’n displegyans Copperfields, hag an chiow na dhe² dhos ha bos chiow golyow.

Yth esa an² brotestyoryon owth erghi dhe² Gonsel Kernow gwellhe an isframweyth teythyek, yn-dann dochya termynyow gortos medhogyon² vayni ha klavjiow, keffrys ha gorragbren skol.

Konsel Kernow a leveris nag o omgemeryansek rag servisyow Gonis Yeghes Kenedhlek, ha lavasos y² vos “yn dann² waskans” dhyworth an governans dhe² dhrehevel dewdhek mil ha dew-ugens a² jiow nowydh kyns dew² vil deg warn ugens.

A group of residents have objected to the construction of 300 new homes on the outskirts of Truro.

They fear that locals won’t be able to afford to buy homes in the Copperfields development, and that they will become second homes.

The protestors were demanding that Cornwall Council improve the local infrastructure, mentioning GP and hospital waiting times, as well as over-subscription of schools.

Cornwall Council said it was not responsible for NHS services, and claimed to be “under pressure” from the government to build 52,000 homes by 2030.

Protestoryon Rebellyans Difeudhans (Extinction Rebellion) a omguntelas yn Truru an² bennseythen usi passyes.

I a lavasas praktisyow a’n diwysyans gis dhe² gisya an kerghynnedh.

Gwiskys veu rann anedha avel Ankenegoryon (Penitents), ordyr kristyon kresosel a assaya omyes der omsettya dhe² wul penansow liesek.

Ordenoryon a’n protestyans a leveris bos y² borpos dhe² bosleva an damach kawsyes gans “gis uskis” (‘fast fashion’), an praktis a askorra yn rew dillas towladow a² bris isel.

Dillas a’n par na re² dheuth ha bos fog rag kaskyrghoryon gerghynedhel, neb a² vynnsa posleva an fordh may⁵ hallo konsumoryon chanjya aga omdhoon, lehe aga ol troos karbon ha lesta skoll. ²³⁴⁵

Extinction Rebellion protesters gathered in Truro last weekend.

They were claiming that fashion industry practices were damaging the environment.

Some of them dressed as penitents, a medieval Christian order who sought to absolve themselves of sin by taking on various penances.

The organisers of the protest said that its purpose was to highlight the damage caused by “fast fashion”, the practice of mass producing cheap, disposable clothing.

Such clothes have become a focal point for environmental campaigners, who wish to highlight how consumers can change their behavior, reduce their carbon footprint and prevent waste.

Bal Sten Gever, yn Boskaswal Wartha, yw dre ²vras anhedhadow awos y furv serth hag ynn.

Mes, benyn a² beswar bloodh ha peswar ugens, Elvira Elbro hy hanow, re hwithras ena yn-dann² dhor.

Hi a² allas y² wul gans teknologieth arnowydh.

Aluseneth, Heritage Ability hy hanow, re² dhisplegyas towlen ²wirvos gowir a² dri³ hans ha tri-ugens a radhow, rag gweres moy a² dus dhe² weles a-bervedh y’n Le Ertach a’n Bys.

Hendasow Elvira Elbro o tus ²val yn Gever a-dhia y² dhalleth yn mil naw kans hag unnek.

Geevor Tin Mine at Pendeen is largely inaccessible due to its steep and narrow nature.

But an 84-year-old woman, Elvira Elbro, has explored there underground.

She was able to do this with modern technology.

The charity Heritage Ability has developed a 360 degree virtual reality programme to help more people see inside the World Heritage Site.

Ancestors of Elvira Elbro were miners at Geevor from its start in 1911.

Shae Tucker, gwarier rugbi dhyworth Mordir Nowydh, tri bloodh warn ugens y oos, re sinas kevambos a² dhiw² vledhen gans an² Vorladron.

Yn-medh Chris Stirling, aga lewydh rugbi, “Gwarier ywa gans teythi oll rag seweni yn rugbi galwesik.”

Shae Tucker, a 23-year old rugby player from New Zealand, has signed a two-year contract with the Pirates.

Their director of rugby Chris Stirling said, “He is a player who has all the attributes to suc- ceed in professional rugby.”

Yth esowgh hwi ow koslowes orth “An Nowodhow” war BBC Radyo Kernow. An dowlen an seythen ma a² veu skrifys ha presentys genev vy, Wella Morris. An pennskrifer o Steve Harris. Bys dy’Sul nessa, dydh da dhywgh hwi oll.

You’ve been listening to An Nowodhow on BBC Radio Cornwall. This week’s script was written by me, Wella Morris. The editor was Steve Harris. Until next Sunday, good day to you all.