21a a vis Gortheren 2019

Dydh da, ha dynnargh dhe² dhyllans a’n seythen ma ‘An Nowodhow’ war BBC Radyo Kernow.

Hello and welcome to this week’s edition of ‘An Nowodhow’ on BBC Radio Cornwall.

Perghen an² Vorladron Gernewek, Dicky Evans, a² wayt y⁵ fydh an tir may⁵ fydh Sportva Kernow drehevys warnodho treusworrys dhe’n klub kyns diwedh an mis ma.

Kost an kynsa rann a’n ragdres a² vydh peswardhek milvil beuns, hag a² vydh kevrennys yntra an klub, Konsel Kernow, Kolji Pennwydh ha’n governans.

Kaskyrgh Crowdfunding re beu profys rag kuntel arghasans a-barth rann diw an ragdres.

Evans a leveris na² allsa gweles lett vyth dhe lesta an konsel rag delivra an tir dhe’n² Vorladron a-ji dhe seythen po diw.

“Ni re beu owth oberi rag drehevel sportva ikonek rag tus Kernow,” yn-medh ev. “Ni a² vynn an sportva dhe² vos tyller arbennek rag godrigoryon dhe² Gernow ha rag tus kernewek, maga ta - le may⁵ fynn pubonan hy vysytya.”

Wostalleth, y’s tevydh an sportva dalghuster a hwegh mil² dhen. Nessa rann an ragdres a² wra kressya hemma dhe² bymthek mil. An arenep may⁵ hwari an² warioryon warnodho a² vydh gwrys a² wels kreftus.

An² Vorladron ha Klub Pel Droos Cita Truru, may⁵ feu perghenegys gans an² Vorladron yn mis Meurth, a² wra gwari aga fyttow tre y’n sportva nowydh.


The owner of the Cornish Pirates, Dicky Evans, expects the land on which the Stadium for Cornwall will be built to be transferred to the club before the end of this month.

The cost of the first part of the project will be £14m, which will be shared between the club, Cornwall Council, Penwith College and the government.

A Crowdfunding campaign has been suggested to collect funding for part two of the project.

Evans said that he couldn’t see any obstacle to prevent the council from delivering the land to the Pirates within a week or two.

“We have been working to build an iconic stadium for the people of Cornwall,” he said. “We want the stadium to be a special place for visitors to Cornwall and for Cornish people as well – a place which everyone wants to visit.”

At first, the stadium will have a capacity of 6,000 people. The second part of the project will increase this to 15,000. The surface on which the players play will be made of artificial grass.

The Pirates and Truro City Football Club, which was taken over by the Pirates in March, will play their home matches in the new stadium.


Yma kansow a² olow bys (fingerprints) ow⁴ kortos dielvennans drefen ardagow forensyk.

Yn mis Me, yth esa moy es eth kans, deg warn ugens a² gasys ow⁴ kortos dielvennans gans Servisyow Forensyk Soth-West.

Herwydh Keffrysyans Kreslu, an hwithrans a nebes dustuni besyel re beu deletys bys dhe² dhewdhek mis.

Leveryas a leveris yth esa an servis forensyk ow hwilas porres mayni keworansel “rag ardyghtya gorholeth”.

Servisyow Forensyk Soth-West a veu gwrys yn dew² vil ha peswardhek, pan omgemeras rag ranndiryow kreslu Dewnens ha Kernow, Dorset, Avon ha

Gwlas an Hav, ha Wiltshire. Arvethesik kyns a² dherivas dhe’n BBC, “Erbysi arghans o an poynt kowal a forensyks ranndirek. Mes ny² veu agan skwirys ughel mentenys.”

Yn Dewnens ha Kernow, yn mis Me yth esa kans kas besyel ha tri ugens ow⁴ kortos dielvennans.


Hundreds of fingerprints are awaiting analysis because of forensic delays.

In May, there were more than 830 cases waiting for analysis by South West Forensic Services.

According to the Police Federation, the examination of some digital evidence has been delayed by up to 12 months.

A spokesman said the forensic service was urgently seeking additional staff “to cope with demand”.

South West Forensic Services was created in 2014, when it took on responsibility for the Devon and Cornwall, Dorset, Avon and Somerset, and Wiltshire police force areas. A former employee told the BBC, “The whole point of regional forensics was to save money. But our high standards have not been maintained.”

In Devon and Cornwall, in May there were 160 digital cases awaiting analysis.


Den, etek y oos, re naghas ev dhe² brovia pymthek pellennik ekstasi dhe² vowes, pymthek hy oos, neb a² verwis dre wordhosen a² dhroggys.

Oakley Willoughby, diweyth ha dhyworth Kammbronn, a² veu kuhudhys dhe² Vreuslys Justisyow Truru a² brovia drogg klass A dhe Shakira Pellow yn mis Gortheren warlena.

Ev a² veu livrys war² vewgh. Res yw dhodho omdhiskwedhes dhe² Vreuslys Kurun Truru an hwetegves a² vis Est.

Deletys veu an kas erbynn Joshua Ward, etek y oos, neb yw kuhudhys a² brovia pellenigow ekstasi dhe² Vester Willoughby, pan fyllis ev omdhiskwedhes. Derivys veu an breuslys y² vos y’n klavji wosa droglam.

Shakira a² verwis y’n klavji, an seythves a² vis Gortheren warlena.


An 18-year-old man has denied supplying 15 ecstasy tablets to a 15-year-old girl who died from a drug overdose.

Oakley Willoughby, unemployed, from Camborne, was accused at Truro Magistrates’ Court of supplying a class A drug to Shakira Pellow in July last year.

He was freed on bail. He must appear at Truro Crown Court on the 16th of August.

The case against Joshua Ward, 18, who is accused of supplying ecstasy tablets to Mr Willoughby, was postponed when he failed to appear. The court was informed that he was in hospital after an accident.

Shakira died in hospital on the 7th of July last year.


Sedhoryon re neuvyas gans morgowlesen gowrek, balyerek hy furv, ryb arvor Kernow.

Lizzie Daly, bewonydhes gans an lyver termyn Seythen Geynvor Gwyls (Wild Ocean Week), a leveris bos an kroadur mar² vras avel hy³ horf.

Morgowles balyer yw an brassa eghen a² vorgowles kevys yn moryow bretennek. Aga³ threuslinen² gresek yw ogas ha dew ugens centimeter, mes brassa o an huni ma.


Divers have swum with a giant, barrel-shaped jellyfish off the coast of Cornwall.

Lizzie Daly, a biologist with the magazine Wild Ocean Week, said the creature was as big as her body.

Barrel jellyfish are the largest species of jellyfish found in British seas. Their average diameter is approximately 40 cm, but this one was bigger.


Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a² veu skrifys genev vy, John Prowse, ha pennskrifys gans John Parker. Bys dy’Sul nessa, dohajydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by myself, John Prowse, and edited by John Parker. Until next Sunday, good afternoon to you all.