11 mis Est 2019

Dydh da, ha dynnargh dhe² dhyllans a’n seythen ma ‘An Nowodhow’ war BBC Radyo Kernow.

Hello and welcome to this week’s edition of ‘An Nowodhow’ on BBC Radio Cornwall.

Klavji Kernow Riel yw parys dhe² gemeres nownsek ha peswar ugens poynt naw milvil a² beunsow rag unnses nowydh benenes ha fleghes.

Y⁵ hwra an arghans dos dhyworth arghasans NHS pella, derivys gans Pennvenyster Boris Johnson dy’ Sul peswara a² vis Est.

Y⁵ fydh an unnses yn le asrannow fleghes usys a-lemmyn hag unnses mamoleth hag a² dheuth ha bos dhe² dhiwedh y² vewnans dhe les nans yw deg bledhen pan² veu edhomm dhodho a lystennow metol dh’y synsi warbarth, herwydh chifys.

Pennweythreseges klavji Kate Shields a leveris y⁵ hallsa an unnses nowydh bos ygor erbynn bledhen dew² vil peswar warn ugens.

Ms Shields a leveris: “Yma res dhyn bos sur dell² yll benenes yn Kernow dineythi yn Kernow.”

Chif Gwelivedhesow Jane Urben a leveris an derivas dhe² vos “nowodhow bryntin rag teyluyow ha’gan henedhow yn termyn a² dheu”.

Y⁵ fydh an unnses nowydh bos drehevys yntra dew² dhrehevyans a-lemmyn war² dyller Klavji Kernow Riel dhe² Dreliske, ogas dhe² Druru.

Y⁵ fydh an drehevyans, peswar leur y ughelder, kavos entrans meur nowydh rag an klavji war an leur grond hag y⁵ hwra an unnses mamoleth a-lemmyn dos ha bos park kerri liesleur.

Sarah Newton, Esel Senedh rag Truru hag Aberfala a leveris an derivas² dhe² vos “prederyans meur” orth ledyoryon yeghes yn Kernow.

Mes diskryjygyon a² guhudhas Mester Johnson a² “vos war an lergh kaskyrgh”.

Ruth Gripper, ombrofyades senedh possybyl Livrel Gwerinel rag an pastel² vro a leveris: “A-der politegoryon a re skityans arghans unnplek a² dermyn etholans, yth yw res yn⁵ hwir dhe NHS kavos kevarghow duryadow gwiw.”

Mester Johnson a leveris: “Y⁵ hwra an kevarghow res porres y’n gresen nowydh ma surhe rag may tegemmer moy benenes, fleghes ha babiow ow triga yn Kernow gwith an gwella possybyl.”

An klavji yw onan a ugens a-dro an pow hag yw settys dhe ranna eth kans ha hanter kans milvil peuns a arghasans nowydh rag nowydhhe komodytys ha daffar koth.

The Royal Cornwall Hospital is in line to receive £99.9m for a new women’s and children’s unit.

The money will come from extra NHS funding announced by Prime Minister Boris Johnson on Sunday.

The unit will replace the existing children’s wards and a maternity unit that bosses say came to the end if its useful life 10 years ago when metal bands were needed to hold it together.

Hospital chief executive Kate Shields said the new unit may be open by 2024.

Ms Shields said: “We need to make sure that women in Cornwall can have their babies in Cornwall.”

Head of midwifery Jane Urben said the announcement was “brilliant news for families and our future generations”.

The new unit will be built between two existing buildings on the Royal Cornwall Hospital site at Treliske, near Truro.

The four-storey building will have a new main entrance for the hospital on the ground floor, while the current maternity unit will become a multi-storey car park.

Sarh Newton, MP for Truro and Falmouth said the announcement was “ a great reflection” on health leaders in Cornwall.

But skeptics accused Mr Johnson of being “on the campaign trail”.

Ruth Gripper, Liberal Democrat prospective parliamentary candidate for the constuency, said: “Instead of politicians giving one-off cash injections at election time, what the NHS really needs is proper, long-term investment.”

Mr Johnson said: “The vital investment in this new centre will ensure more women, children and babies living in Cornwall are receiving the best possible care.”

The hospital is one of twenty across the country set to share £850m of new funding to upgrade outdated facilities and equipment.

Yma Maynorieth² Vorek ha Gwithysi Alsyow Ruvaneth Unys ow hwilas devnydhya sudronennow dhe² weres oberyansow sawyans goredhom hag aspians a lestri mes a’n arvor soth west.

An² vaynorieth re² elwis arbenigoryon dhe² brofya rag kevambos a naw kans naw deg mil peuns kyns linen²-varow dhe nawnsegves a² vis Est.

Y lever y⁵ halsa jynnow ebron heb lewyader treghi kostys, ha dos ha bos moy effeythadow.

Mes y⁵ hwra amytta y⁵ fia edhom esya rewlys rag neyjow kemmyn dres linen²-weles oberador.

Dhe’n re na gans bern y² kodh manylya aga gallos hwilas person po lester derivys y⁵ fyll kemmys ha hwegh poynt dew mildir mes a’n morrep yn kesstudhyow gwynsek, niwlek, po a² wolow boghes.

An profyans a² via treuskorra kevarwodh arhwithrans hag a² allser devnydhya gans mayniow askell dro po skath-sawya.

Skriven-brofya a lever ken devnydhyow dhe² gomprehendya helghya myns a² dhefolyans hag usi ow⁴ tevera y’n dowr, ha provia skoodhyans dhe² greslu ha dhe² gen maynoriethow hag a helgh gwriansow yn Mor Bretannek dhyworth an ebron.

Kyn⁵ fydh dre lycklod oberyansow sudronennow kontrollys gans person wortalleth, an gwaytyans yw bos nebes a’n oberyansow dhe’n lyha wortiwedh awtomatekhes.

The Times o an kynsa hag a² dherivas an diwettha towl, ow leverel bos an kevambos res yn mis Hedra, hag an prov ow⁴ turya bys yn kynyav diw² vil ugens.

Mes nyns yw hemma an kynsa tro may⁵ hwithras an² vaynorieth an devnydh a sudronennow.

Warlena y kesoberyas gans RNLI dhe² wul omassayans a² bymp dydh dhe Sen Athan yn Kembra Soth, may⁵ tismygsons devnydh a sudronen yn sawyans tus dhyworth an mor, hag ow tyghtya sawyans leys.

An² vaynorieth a² gesoberyas ynwedh gans unses sudron kreslu dhe² gowlwul assay unn² vledhen hag a² dhalathas yn mis Me a-dro dhe arvor Essex.

The UK's Maritime & Coastguard Agency (MCA) is seeking to use drones to aid emergency rescue operations and carry out surveillance of ships off the south-west coast.

The agency has invited specialists to bid for a £990,000 contract before a deadline of 19 August.

It says unmanned aircraft could help it cut costs and become more efficient.

But it acknowledges that rules would need to be eased for regular flights beyond an operator's line-of-sight.

Interested parties have to detail their ability to search for a reported missing person or vessel up to 6.2 miles (10km) away from shore in low-light, misty and/or windy conditions.

The idea would be to transmit reconnaissance information that could then be used by helicopter or lifeboat rescue crews.

A tender document says that other potential uses include tracking the amount of pollution that vessels are leaking into the water, and providing support to police and other agencies that track activity in and around the English Channel from the sky.

While the drone missions are likely to be human-controlled to begin with, the aspiration is that at least some of the activities could be automated over time.

The Times was first to report the latest initiative., saying that the contract would be awarded in October with the trial due to last until autumn 2020.

But this is not the first time that the agency has explored the use of drones.

Last year it teamed up with the RNLI to carry out a five-day exercise at St Athan, south Wales, where they simulated use of a drone in rescuing people from the sea and dealing with a mud rescue.

The agency also partnered with a police drone unit to carry out a year-long trial that started in May around Essex's coastline.

Kayaker re² gachyas pols may⁵ feu gwelys morvil both mes a’n arvor a² Gernow.

Rupert Kirkwood, dhyworth Porthbud, a² welas an eneval ow⁴ poosa yn unn herdhya yn mor mes a² Bennsans dy Yow.

Re beu va ow kayakya a-dro dhe’n arvor dres pymthek bledhen passys, mes y lever na² welas ev kyns tra vyth a’n par ma.

An morvil a² veu gweles gans kowethas torn skath leel, Marine Discovery Penzance.

Gidys a leveris kyn⁵ fia gwelys an enevales moy menowgh a-gynsow, “hemm yw an kynsa aktivita boosa hirhes hag a² welsyn ni dres torn”.

A kayaker has captured the moment a humpback whale was spotted off the coast of Cornwall.

Rupert Kirkwood, from Bude, saw the animal lunge-feeding in the sea off Penzance on Thursday.

He has spent the last 15 years kayaking around the coast, but says he has never seen anything quite like it before.

The whale was also spotted by local boat tour company, Marine Discovery Penzance.

Guides said although the mammals had been spotted more regularly recently, "this is the first prolonged feeding activity we have seen on a trip".

Yth esowgh hwi ow koslowes orth ‘An Nowodhow’ war BBC Radyo Kernow. An dowlen an seythen ma a² veu skrifys gans Julia Wass, ha genev vy, Duncan McIntosh. Bys dy’Sul nessa, dohajydh da dhywgh hwi oll.

You are listening to ‘An Nowodhow’ on BBC Radio Cornwall. This week’s programme was written by Julia Wass and by myself, Duncan McIntosh. Until next Sunday, good afternoon to you all.